今日結業禮+派成績表...
個結業禮奇快呀...咁多年黎第一次咁快就完...
仲有半個鐘小息...真係史無前例...
但點解佢唔早早派完成績表放我地走...要我地留咁耐...
不過呢...小息個時...albert同呀藝教我同娟姐玩扭計骰...
呵呵...娟姐唔識玩...扭黎扭去扭唔到...
不過我有天份...當然扭到...
扭左陣...都係未學晒點扭成個就...mr lau到...= =
派成績表...好驚呀...因為上次考得好差好差...係最差ge一次...
好在今次一收到...簡直係驚訝...
呵...有好大ge進步...算唔錯呀...
mr lau冇鬧我...

放左同娟姐去食飯+行街...好耐冇去過市中心喇...
不過本身打算去小巴黎食飯ga..但d人好衰呀...冇喇喇叫我地調位去搭檯...
我有好地地ge卡位唔坐....要我去搭檯...好似有d過份ar...
所以我地出走了...去左目黑食...
不過等左好耐...等到娟姐發晒脾氣...都未黎...
最後我ge黎左...娟姐就去摧佢...終於大家都黎晒...
唔錯ga...幾好味...
行左好多地方...之後我又再食野..
我發現我真係食好多野...
食左個脆香雞翼+新ge黑芝麻雪糕...
好味...不過如果個黑芝麻雪糕走黑芝麻我會覺得好食d..="=
之後過多冇幾耐就番屋企lu...