|
今日唔知做咩,好多野都唔記得左...
出門唔記得帶電話,返去拿,又唔記得帶食飯錢,又返去拿,所以就遲左去搵號號~
係途中發現唔記得帶中文圖書,好彩陳太借左俾我咋!!!
返到學校又係冇點教書,好想訓覺...
上科學堂去左唔知叫咩室上堂,個老師帶左d玩具,好得意~^^
第一次上P.E堂,同左1A班D女仔一齊上,jane都係到~
換衫得3分30秒,都好趕,又掛唔返件校服喎,好彩有人幫我~
之後係更衣室裡面聽老師講野,都差唔多聽左成堂...
分埋組就落堂,同左d新朋友去食飯~
食得好貴呀!成28蚊!d野食又黎得遲,攪到遲左返去,記左名,唔知會點呢?
上VA又要分組,我個組有3女,1男,個男仔都幾慘~得佢1個男仔~
不過又幾好笑,怕怕羞羞咁~岩岩好佢就係我琴日撞到ge o個個同學~
我問佢琴日係咪去左文具店la,佢話:「係呀~我仲見到你tim~」我仲以為佢唔知架...
英文堂好慘,貼錯野,好彩個老師冇鬧到我~
原本都放學架喇,但係又要聽d音樂會,聽到我訓著左一陣,
好彩好快就醒返~我實在太累la!!!
聽完就同號號一齊返屋企~
|
