|
琴日返到屋企,見到大堂冇晒燈,又有好多人聚集係保安度,就走去睇下咩事,
點知原來因為2樓一個單位爆喉,搞到成幢樓冇水冇電...
岩岩好撞到一個又係mst ge姐姐,咁就一齊行樓梯~好彩我住8樓,個姐姐就慘la,住成17樓!
返到屋企好暗,做完功課就溫書,但係當夜d ge時候就慘la...咩都睇唔到...要點蠟蠋...
之後要用電腦做功課就出左去,行樓梯超暗呀!!!要用電筒,不過我覺得幾好玩~好剌激~^^"
搵黎搵去都搵唔到電腦可以用...又返左屋企,條走廊好暗,好恐怖!好似會突然有D野彈出黎咁!
既然社區中心冇電腦,只好去圖書館la,途中去左買電筒,蠟蠋o個d,間野竟然話d蠟蠋買晒~
估唔到咁好賣呀...冇蠟蠋就去買電筒,買完之後得返一盞,一陣之後都俾人買埋,
d老板實好開心la~咁快賣晒d電筒o個d野~都唔知點解淨係我地個幢樓咁黑仔架...
仲慘ge係,去到圖書館竟然山左...白行一趟!><
行返屋企o個時,見到我地幢樓一d光都冇,同隔離幢麗和樓好大對比!
返到屋企溫左陣書就訓la~冇計,電視,電腦全部都冇得用!T_T
今日上左好多莊sir堂,笑到死~
電腦堂要交份野,但係有d攪錯左,要再改,好彩都趕得切交~
食lunch,同學長食,昏君狂俾人扯甩條鞭~我都有份~XD
但係昏君反擊!扯甩我同anna條鞭~下次食飯,昏君就斃la~
science堂派左卷,83分~好開心~都算幾高!最興奮係高過terry~呵呵~
放左學要music test,班上面兩個人遲黎,成班中一等佢地,好大排場~
唉!今次死梗喇!一定好低分!校歌都出埋,但係我係考完先知個首係校歌...
考完走la,去搵人,撞到號號,佢竟然知道我頭先鬧人白痴仔~佢好勁呀!!!我扮口形都知我講咩!
|
