|
今日返到學校先知原來有普通話默書,但係都冇心機溫...
兩堂中文都要同細ric玩天下太平...就黎比佢煩死...
CL好開心~符sir淨係講返之前d野,
我地一個二個就上論壇,新聞嗰d~勁開心!
eng好驚!抽人出黎講show and tell!好彩抽唔中我!
之後嗰幾堂都唔知做左d咩~
lunch去左7-11食~好好玩~怡居然以為隻貓ge背面係隻豬...
返到學校,見到班男仔好濕...
goldia為左避miss kwong,走黎走去,笑死~!
中史諗住溫下普通話,點知老師話快d收埋本書,我以為佢
唔係講我,就淨係擺係中史書下面姐一姐,
但係老師仲講多句「唔好以為我睇唔到,快d收埋佢」,
我先知原來真係話緊我,好瘀!!!平時老師都見唔到架喎,奇怪!
普通話默書慘敗,15/84~勁低...
science默書,好似冇錯到~之後因為睇左細ric個答案,係到笑,
俾mrs曾捉左我,細ric,怡,terry出去...不過因為怡其實唔知咩事,所以甩難!
唉!但係唔笑好辛苦架...細ric居然寫50年前用電量仲多過宜家!
同mrs曾解釋完之後,佢話俾多次機會我地,叫我地下次好好控制自己ge情緒...
好無奈!返到埋位又再笑過,勁好笑囉~
放左學,俾goldia捉左去陪佢練足球...d男仔報左佢個名做後備...
tracy都黎左,我地3個女仔好似好傻仔,企係到都唔知做乜ge!
goldia就俾班人嗌左落去守龍門~其實都冇點守過...
一陣之後就走la~去左真係好無聊!
|
