|
今日終於考完試la~好開心~
中史都幾好丫~有幾題錯晒,好難,冇溫到...
放左就搵號同珊,佢地做完野就去吉之島搵我~
買左d糖俾老師~去到學校見到好多老師呀~一排冇見過佢地la~
之後jane,婷都黎左,連廖卓賢,杜洋,蕭維,李小朋友,林生,徐梓豐都係到~
蕭維變左勁多...高左,把聲變到好怪...d男仔全部都高左...
兒,何君,wendy都黎左,何君好變態!成日撲過黎~遲早死係佢手上!
然後傾下計,講mst d 啊sir,miss,知左好多野呀~多得jane ge呀哥知咁多~
見到happy chan,個髮型變左,有小小獅子ge感覺,都係以前好睇d~
我諗我地都幾嘈,入左雨天操場俾人趕返出黎...
午會完左就上禮堂,老師居然話「後面有d畢業生返左黎學校」,之後d人望住晒...
嘩~wendy姐真係慘,俾前面個細路劉海詩問有冇拿佢d零食,問完仲要睇下有冇唔見~
唉!無奈!睇到抽獎就冇睇,去左教員室,總之就遊蕩la~
上左人地d班房,諗住係6B痴餐,點知陳老師發火,即閃~
去左6D,有好多野食呀~^^食食下,見到woody...
嚇到我嘩左一聲,佢即刻走返出去,點解佢要咁高呀...
佢同球都高左好多,球個樣仲好怪...woody淨係高左,其他都冇變~
見到穎,瑩,gigi,benny仔~瑩追禮物tim...今次唔知有d人會返,所以冇寫聖誕卡呀...
原來今日有成41個人返左小學,可以組成一班la~
玩到5點幾先走,去左大元村玩鞦韆~俾何君,兒,何瑩狂話我講野好文雅...
之後何君,何芷瑩陪我去買禮物,好彩有佢地幫手~如果唔係有排簡la~
好累呀...聽日個聯歡會,有預感,唔會好玩得去邊.
|
