|
由於今日遲左起第ge問題,好多野都冇做...
英文個reading file要做,有中文,science默書,
我淨係溫左science咋...
英文堂要帶電芯,好彩有帶,zoe問我借左,
之後號號都有問我借,我話遲d先俾號,但係最後好似無左件事...
中文堂,要背成兩首文言文呀!我唔記得左背,有一篇就抄左,
仲有一篇就自己默,雖然都錯左好多,好彩terry肯幫我咋!!!
都可以話係奇蹟,睇唔出佢會幫我~好開心呀!唔駛改咁多正~
莊sir今堂好似好嬲咁~仲想罰我地lunch time留低喎,但係最後都係冇...
lunch同思去食,好少同佢食~不過好得意~
science去laboratory默書,冇點溫都可以岩晒~
上堂對下答案咁la,但係老師講得好快,好多都對唔切,要問人呀!
Felix拿左7-11送ge hello kitty 個舊野,我諗我都唔存,是但佢la,
首先林傑幫佢吉爆,佢又吹返漲佢...=.="咁都得ge...
又幫舊野加工,搞到成舊都係塗改液,玩到自己隻手都係,抵死la~
最過份ge係,佢真係玩到無野好玩囉,連人地抹過鼻涕ge紙巾都唔放過...
佢玩都唔理la,佢竟然整到張紙巾飛去我塊面到...大佬,係鼻涕呀......
落返去課室,d人話有人拍野,要行其他路,點知原來係有人嘔,d啊嬸收拾緊姐~
中文閱讀堂,同bowie,思,terry幾個交換d書,又笑,成班得我地幾個笑,
所以我地都算幾嘈...有d人仲望住我地...冇計la,d書d圖太好笑喇!
放左學同埋goldia買野先返屋企~
|
