|
今日頭o個兩堂係最悶ge中文,淨係係到玩,唔知個啊sir幾時先唔教呢?
抄筆記o個時,terry竟然肯幫我抄!真係奇蹟!
其實佢都幾慘架...成日俾我同埋前面o個兩個女仔玩~
個女仔問我幾時生日,我就話俾佢聽la,點知佢講左句野,搞到我激死!!!
佢竟然同我講班上面最on居o個個同我同一日生日...比死更難受...
我完全估唔到個on居仔會同我同一日生日囉...
佢地仲要話我同佢係一對!痴線架!激死我喇!!!
電腦堂要打字,仲要計分架!有人用九方,2分鐘打左成60幾個字!
我就兩分鐘打30 o個字,都算幾好la~
教我地英文ge老師冇返,唔通病左?
不過我地就玩得好開心la~呵呵~
數學堂,個女仔突然講,mimi同byron好似差唔多高喎~
搞到我即刻拍「木台」加幾大聲咁講左句:「咩話!?」
有d同學都望住我...唉!點解咁黑仔架!
中史堂要測驗,我冇溫到d地圖,點知岩岩好,佢就係考我地d地方名...
4條河名錯晒,2個地方名,岩左一個...我諗我d成績會好差...好驚呀!
普通話堂,個啊sir都唔識講普通話ge...
仲要一個孫小上午校ge人帶領我地讀tim!個啊sir都廢ge!請上午校o個個教我地仲好tim呀!
放左學要4社迎新,但係我唔記得同媽咪講呀!算la,比心機去玩遊戲~
我同goldia去左廁所,返到黎見到一班人跑黎跑去,又唔知發生咩事喎,
淨係企左係門口睇,我諗起困獸鬥...
玩左好多遊戲之後,我地望社贏左呀~好開心~
放學撞到死豬,原本我準備打俾人架!就係佢!搞到我唔敢打...唉!
死豬又話我同邦d野,仲講返鄧愛嬋tim...唔知個「鄧愛嬋」排球點呢...好無奈...=_="
|
