|
今日兩堂中文好難過!悶到死呀!
電腦堂考打字,算係唔錯喇~都打得晒~
蕭蕭就慘d,未打晒,印出黎嗰時又俾符sir鬧...
符sir話佢講左好多次,但係冇人聽到囉...
好羨慕人地雙數嗰d!基基sir一定好過死人符sir!
eng~mrs cheung冇返~黃sir黎代課~
同felix調左位,但係俾呀sir發現左呀!><
小息去左睇書展,好多書出面都有~冇咩特別~
math,都幾易~暫時冇難度咁喇~
music~好憎屎王,坐佢隔離好不幸呀!!!又煩,又賤!
成堂係到睇書~睇完就落堂喇~
lunch同左蕭蕭,kathernie,goldia去易記到食甜品~
居然有隻蜘蛛係我隔離,仲要愈黎愈落,勁驚!
係咪代表間野衛生有問題?
中史,今堂好似講左好少野咁~
PTH~仲以為默書,搞到準備左ge野都冇用...
去左MMLC錄音!好好玩~
我講得超細聲!好奇怪d人點解可以講到咁清楚?
原本有一次錄得唔錯,點知開心得滯,
未停止就話「好開心呀!錄得唔錯~」,搞到錄埋落去...
好彩丹丹幫我搞返點佢~好驚老師聽唔清楚會扣分!
最尾science,冇寫好默書ge野,要抄書...
放學就同goldia走,仲撞到熹熹tim~
|
