|
今日返學都冇做d乜...
淨係派下通告同埋選班長~
明明琴日已經選好,
點知就係因為何生話有私人理由唔做,
搞到又要重新選過...
今次選班長仲耐,用左成15分鐘...
搞掂就玩d介紹遊戲,
我把聲又沙沙地,講唔到大聲,
搞到遠d ge同學都聽唔到,勁無奈...= =''
仲要俾我發現原來坐我隔離嗰個人,
係個大怪人!!!今次大鑊!
今日又係早放左,好正~
下晝,1點幾出左去,
去沐恩接何君同兒~
個校工成日走過黎話唔好塞住個門口...
後尾就一齊去左食野~
之後就去左CPU搵埋穎穎,benny仔,肥張,球同聰~
係cpu門口,有條友要我地走開d,咁咪行遠d囉,
點知佢又走過黎,話我地仲唔走就報警,勁唔鋸囉!
又唔係係學校門口,都已經行遠左la!
後尾連個校長都黎埋,問我咩學校,就話mst~
佢又講話學校早就話唔可以叫d朋友仔係學校門口等,
但係我地都已經行開左la...
佢地要趕我地走咪走囉,
行左去其他地方等,但係個死人校長仲要跟住晒!
之後就搵定左個地方等佢地la~
一見到佢地,開心得濟,大嗌benny仔...
個死人校長就嗌停左穎穎同benny仔,係到訓話...
訓完就搵返我地,就問個死人校長講咩la,
大約就話我地幾個好似好頑皮咁,
同埋就話唔好約人係學校附近~
真係激死我!!!我似壞學生咩!?
仲要唔信我,再問多次穎穎我係讀邊間喎,
又問我地係咪真係返去小學,
驚死我會帶住佢地去玩咁...
勁憎個校長囉!條路又唔係佢,
我鍾意企邊就企邊la!
返到小學,有d人就偷走上去,
老師都話俾之後就上晒去~
同陳老師同劉老師傾計~
後尾佢地要做野,就成班人係到傾計~
d野勁俾人拎,無奈!= =''好失敗囉~
benny仔好煩,成日打人!
成日係到搵個樽整我同兒,好煩...
後尾唔記得做咩,變左我同woody互掟水樽...
肥張記到超多唔同ge明星野~
好佩服佢ge記憶力~
之後又見返何君同benny仔打交ge場面~好好笑~
傾傾下都傾到6點幾,就一齊走~
肥球好豪,俾左20蚊肥張~
之後就同兒,球同埋聰一齊返屋企~
|
