係時候報告一下自己呢幾日做過d咩啦bor~XDXD

16/5 ~post : H2  正式開始有錢收有野做的第一天

去左"橋位"坐~即係冇咩機落~~比較少人出...有人出就要叫人除帽....用紅外線槍探體溫....其餘時間都冇咩野做~基本上成日都冇野做....多數坐下行下....叫下人除帽~~正當以為自己搵左份勁hea既工.....第2日即刻頹左~@@

17/5 ~post :P4  係拭港層接機個位企左成日~想死~

而且....我仲係takeover人地嗰個.....即係要係南北翼來回走黎走去~take人地去食飯去break....自己企佢地個位等人返工再俾返個位佢~岩岩先知我呢個post係點運作時就已經miss左自己個break~~搞到要連續企3個鐘!!!真係想喊~一開始一路派小 冊子一路好有禮貌~~有問必答~笑容100分~但過左一個鐘多d已經死左~~覺得自己完全係臭臉+疆笑~2個鐘之後完全係腳又痛腰又痛.....好想企係嗰度彎腰放鬆下....問題係完全冇d咁既機會~呢3個鐘真係畢生難忘~@@"

3個鐘之後食飯~~係死樣lor!!!= ="一路聽另一個個樣好細個既同期女生講佢個S.O.哥哥幾靚仔幾靚仔~(笑)...之後發現我企個位同佢所講既哥哥係同一個位~~(笑)不過靚唔靚仔就....見人見志啦~~哈

企嗰個位真係好多人問路~~但其實我唔多熟路~~應該指錯左幾個...(幾個喳~XD)結果個S.O.(即係俘安~)忍唔住話"師姐呀~如果你唔識答佢地,你可以叫佢地黎問我地s.o.家~" [心諗~你唔早講~企左成日先講~=___= ]

18/5 ~上堂+post : H2

朝早上完堂又去返個hea位~因為上完堂既關係可以"坐機"...即係坐係度睇部紅外線掙測儀~~捉到幾個發燒友~~好開心~~^ ^可惜個個都轉機~冇得叫佢地去見姑娘~不過我好開心~~哈哈

d大陸團好鐘意密集式咁過....成班螞蟻咁~湧過黎~~好混亂~@@"

19同20日就後續啦~~20有突發事件~敬請留意~(好有連載小說feel~哈哈~)
今晚要早訓~聽日5點起身~@@"