冇錯!!去到台北車站諗住轉車時~已經去到下晝ge 2點幾啦!!!
所以呢篇叫下晝篇!! (這是什麼命題方法?!= =)
今次...我整埋個捷運路線圖出黎...應該會易d理解!!
其實我有時打打下會唔知自己打緊咩!!!我依ga覺得自己ge表達能力好差!!= ="
坐左30幾分鐘由淡水返到台北車站!!抖左咁耐~好似又冇咁(支力)...
就諗住去埋附近ge大眾唱片睇下有冇小巨蛋dvd買~再食埋個良品牛肉麵先返酒店放底d野!!
結果....我地係呢個台北車站發生左一件極度無言ge事!!!
買唔到dvd就唔講太多了!!!o個陣down左一陣~雖然好想係台灣買到~但係見到賣得咁好...又覺得好開心!!^^
反正依ga係老公ge幫助下...已經買到了(還是第一批的呢~我算好彩啦^^)
[ 忍唔住講一句...聽其他fans講~dvd發行當日(6/6)ge下晝...台灣已經賣哂第一批了~呵呵..很誇張呢~ ] 唔怪得我搵唔到!
搵唔到dvd...我地就去食良品牛肉麵!!! (令人無言的事發生了!!)
我地係重慶南路行左好耐都搵唔到 (良品在重慶南路附近~)
係咁兜圈~~同一個地方...我地都行過2-3次!!= ="
正當我地以為搵岩路時....卻發現愈行...條街就愈少人!!突然....我見到個公園!!!
我諗返張地圖!!!心諗...唔係掛~咁玩??即時大叫 : 咪住先!!!!!!!!!!
我地2個望住張地圖!!! 兩人對望！
．．．．．．．．．．．．．．．
額上有3條黑線~~苦笑......
唔使講都知發生咩事啦!!!我地睇地圖睇錯方向啦!!!>"<真的.....無言~
於是兩個人默默地原路折返~= ="
等我地真係搵到間良品時~~發現其實我地行過呢條路~= ="見到佢個招牌...真係極度唔顯眼!!> <
但係!!
個緊閉ge大閘就好顯眼!!!= =""""(唔怪得我地行過都見唔到!!)
結果~我地係台北車站搞左成個半鐘!!一樣野都冇買到!!= ="
但係我件衫就濕哂!!!但係中姑姐件衫竟然一d都唔濕!!= =
係酒店放底d野!又換左件衫~成個人輕鬆哂!!!^^
此時又發生一件十分無言的事!!
我地係南京東路上車~去到忠孝復興再轉車去西門!!!
但係我地一上車見到有位坐就去坐~(明明只有一個站...坐什麼呀坐!)
後果係...我地坐過左站~去左大安!!= ="搞到又浪費左我地30mins~= ="
去到西門町~一轉頭就見到成都楊桃冰~於是第一時間就去左食!!
不過味道就....嗯....嘛嘛~~早知食鳳梨冰(即菠蘿)...可能菠蘿會岩我口味多d!!= ="
<- 其實d汁我覺得ok啦~不過太凍...我又唔想拎咁耐~so..你地明啦!!
之後就去左食阿宗麵線~~好多人排隊呢!!!o個度冇得坐...大家都係買完就捧住碗麵企係度食!!!
食完就放返個碗落個桶度就得啦~(當然..佢會拎去洗!!)~~我地放返個重點係碗麵度!!!!
呀呀呀呀呀!!!!!!!!!!!好好味呀~~口感有d似碗仔翅...因為佢d湯底好"傑"....
d麵線好幼...好滑溜溜!!^////^好味~~~我又差d唔記得影相~掛住食!!^^"
食完又去左去週圍行!!!又去左果風小舖掃左d肥皂...香薰球...沐浴露之類的~
(呢d真係用得ge沖涼物品...淡水o個間冇!!)
又行左去一間原本以為有好多得意野ge商場(?)..叫"西門新宿"...應該話類似旺中吧!!
但係又冇佢咁大...都冇咁多野賣!!仲有...入面根本就唔係書所講咁...咁多野買!!= ="
很令人失望又令人心驚膽顫....(因為佢o個陣裝修...得d鐵皮樓梯!!!好驚~~= . -")
不過入面有一間野都幾得意..有好多大大舊仲好得意ge頸鍊!!有d鐘意~~問題係我又唔戴...加上價錢其實唔平...算了!!!
個店主仲得登影左好多d明星戴住佢地d頸鍊ge相...仲有d雜誌相...貼哂係門口同d飾物旁!!!(咁賣廣告??!!)
我所講ge明星多是主持人...例如陶子陶晶瑩(知佢係邊個吧!)..范范堂主..好似仲有容嘉~
佢地又真係企定定係個攝影棚俾店主影~~咁好ge??!!
另外我地又去左老天祿...中姑姐話要幫人買鴨舌!!但係都係冇買到!!因為要即刻食~~= ="
諗住day3跟團黎西門町再算!!!
西門町就咁就結束了!!!(呀~中姑姐仲係easy shop買左一個想買好耐ge野!!去台灣買easy shop d野平過香港好多!!)
我地又冇食到書上所講ge肉餅丸可樂餅~~有d可惜!!>"<
去完西門町...就去忠孝復興買小林煎餅釣鐘燒...仲有去忠孝敦化食度小月~~^/////^
冇錯!!係特登落車買野食同食野!!哈哈~ 畢竟係全日通...就用盡佢吧!!^ ^
小林煎餅釣鐘燒~~類似香港的粟米燒餅!!但係大d...入面仲有一大pat幼油....真的皮薄餡靚!!^^
肉臊麵仲有肉臊飯!!!肉臊飯好好味!!好開心我地係黑橋牌買左o個罐肉臊!!^^(雖然仲係唔知係咪真係佢出~= =")
度小月的肉臊麵同肉臊飯ge價錢好平!!一碗NT$30一碗NT$40~好好味!!咁真係抵~雖然好細碗!!
不過度小月ge其他食物就貴好多!!一小碟都一百幾(台幣啦~)!!
度小月真是的~~一係就30,,40..跟住就係百幾二百!!玩野咩!!想試多樣都唔得!!>"<使唔使差咁遠呀!!!!
呢個時候...都只係夜晚8點度....^^
我地就去左市政府站~~行下o個幢3層高的書店!!
我地行到入去!!試問有咩可能咁快轉到心情去睇書先得ga~就算真係有岩..都唔會買啦!!
又唔係特別平!!咁遠抬本書返屋企??我地有冇咁傻呀!!於是行行下...就去左賣精品o個邊!!哈哈~(但係好貴!x.x)
9點幾度~就行去上閤屋食buffet~(要前一日預訂位的)
間野係威秀影城旁的NEO19~(但係我地一直睇地圖!!見佢好似係neo19後面~於是係咁兜左去後面!!)
到我地真係搵到入口時~~就9:40度!!準時呀!!(我地book左消夜~9:30先開始!!)
<- 威秀影城...其實是戲院!!
<- 送上一張全幢的101~但我比較鐘意day1影o個張!!^^
其實上閤屋buffet沒有太好吃!!但有好多野食揀!!價錢都抵呀~2個人三百幾!!^^
我地食呢個buffet完全是抱住食到飽的心情食野的!!
所以我地拎左好多野食!!但係又食唔哂!!真係好浪費!!>"<
旁邊的大部份都是香港人...見到佢地好多都食哂~我好愧疚!!
感覺我地唔係去食buffet...而係去浪費食物的...
中姑姐食左4舊生蠔!!o個4舊都係佢食的!!(我唔食蠔!)...結果...day4嚴重肚痛..仲嘔~~唉..慘呀!!
魷魚同手捲...我覺得好正~其他就ok啦~唔係勁好食o個隻~
大家見到我地夾左好多螺...對吧!!其實o個d螺...我地一舊都冇放入口~~其他野食...我地都食得8899ga啦!!
主要係浪費d螺!!
其實有原因ga~我地夾咁多螺...係因為o個度有好多不同口味ge螺(一個口味我地夾2-3粒咁)
我地2個都好鐘意食螺~咁咪諗住隻隻味都試下lor~~
點知...d螺根本整唔到出黎食~~唉~極之失望!!!牙籤都整斷好多支!!
我地唔係唔識點整出黎食~係唔知點解舊肉拉極都拉唔到出黎!!= =
好辛苦整到一舊出黎~(仲搞到自己成面汁~= =")
大家估下結果點!!
我只係咬左dd~佢竟然成舊都有沙!!搞錯!!
食飽飽返酒店....話說我地係小林煎餅買左一盒瓦煎燒禮盒裝(12包)...跟住2個人分!
因為佢舊餅(冇錯~其實係餅!)有12星座的公仔~我地2個搭捷運返酒店時就研究12星座有邊12個!!
再睇下邊個要邊個星座ge餅咁...點知...講講下....我地要由市政府站搭到忠孝復興再轉車去南京東路(酒店)
點知~我地又去左忠孝新生!!!= ="
我地竟然係一日之內坐捷運坐過站兩次@@"真係勁~= ="
之後再搭捷運時....我地都話" [ 我地今次唔好再講野啦~一講野就坐過站!= =" ]
打到呢度~~day2終於都完啦!!!好開心~~人家要留言!!你地唔理我...搞到我唔想再打!!> <
