今日其實係農曆ge三月廿三
對於住係九龍呢d地區ge朋友黎講呢，可能唔知呢個係咩日子
其實呢一日係天后誕，對於元朗ge人黎講非常重要
因為呢一日，各條村都會派出唔同ge龍/獅子出黎，
首先會係元朗到行幾個圈先啦...
之後再去天后廟到拜

今朝7點幾就起左身，入到去食完野都9點幾，
已經封晒路，冇車行，係馬路到睇左ok耐，
影左ok多ge相....不過未up上 facebook到...
遲d可以上去睇下(應該聽日會up架啦!!)
見到有唔同ge龍啦，獅子，同麒麟，
真係好正!!
仲有好耐都冇見過ge花鑼鼓，
花鑼鼓係有108個人扮水滸傳入面ge108個好漢,
不過宜家已經冇108個咁多囉
因為要花費太多ge人力物力
不過佢地一邊行會一邊敲d木，d聲好好聽，
仲有少少ge舞步..
真係好正!!

對上一次有得睇三月廿三已經係2005年啦...個陣都仲係一個小六ge學生,
因為三月廿三唔係次次都係星期六/日/公眾假期，
如果唔係星期六,日同公眾假期呢,就會少好多人架啦
因為大家都要返工返學，今年撞岩係星期六，
所以好多條村都好多人出去一齊行!!
記得之前我都行過幾次架...要行ge路程都幾遠架...
仲要等好耐，因為唔同ge村都要表演下先架嘛，
每一年都有好多人係馬路到圍觀架!!

之後佢地就會去到天后廟到拜天后，
而天后廟呢，非常近我地個邊，
所以我地都係出去睇，今年多左d迷你龍仔同埋小龍，舞小龍ge人真係好利害架!!
佢地簡直就好似係到跳舞咁..
好多花式，一d失誤都冇
勁!!不過要真正睇先可以感覺到個陣感覺!!
係好熱鬧架!!
之前年年都得閒唔洗返學ge話我都會去一齊行，
雖然幫唔到d咩..，之前又冇份舞龍，都冇份揸旗，不過個種大家一齊，好團結ge感覺，真係好正!!
成條村ge人，都出晒黎咁滯
一齊幫手!好團結

今年竟然見到兩個好特別ge人物，
就係之前學警狙擊ge「左輪哥」陳山聰同埋宜家桌球天王ge「雷建衝」郭政鴻，
真係估唔到佢地都會黎睇喎，佢地都差唔多由頭睇到落尾咁滯，
去到落雨ge時候佢地都未走，係我發現左佢地之後，
真係勁多人走去同佢地影相、簽名同握手，小朋友特別多..仲有d年青人，
不過佢地又冇黑面，真係好好耐性!
我同妹妹都冇做咁ge行為，只係有一陣係佢地附近睇龍等等
不過實在太多人同佢地影相啦...
費事攝鏡，我地都係去左第二個位置到睇。

今日真係睇得好開心，我一直都好熱衷於呢項活動，
都好仲意佢地ge衫，因為真係好靚，好似功夫衫咁，我屋企都有一套。
今日本身要去補習架，筆記都帶左去，不過真係太開心，連習都唔去補lu~~~
哈哈哈
下一次都唔知會係幾時lu~
希望下次我都可以有份舞啦!!
見到d人可以咁團結，咁努力真係好開心呀!!

雖然今日係咁開心，不過都有唔開心ge野發生，唔知係咪因為阿婆老左ge關係
脾氣變得愈黎愈差，超級仲意鬧人，不過都冇計ge
唉，有時真係會好唔仲意佢，
不過冇計啦，點都係我阿婆呀嘛，我會忍落去架啦!!
希望之後日日都可以咁開心啦!!