well~~
今日又係星期六啦.....
前兩日ge假期..都過得好頹廢...
同埋好hea!!
結果咩都冇做過......
唉...點解我會咁失敗???

點解呢幾日我可以咁hea咁過架.....
點解點解點解...??
好多個點解都係個頭入面...

um.....
有咩做過呢呢幾日.....
日日都係睡夢中渡過..~~
悶死我啦悶死我啦!!!!
又唔想去溫書喎.....
點解人要咁矛盾?????

唉.....
呢幾日諗ge野唔多...
黎黎去去都係個幾件事.....
唉.....其實好多野都唔關我事....
係我自己煩埋一份...!
真係好多餘呀我!!!!

有誰會明白我所想?
有誰會知我擔心甚麼?
有誰人會知我想的是甚麼?

last day!!
5月ge last day啦
真係覺得呢一年過得好快~~
好快...發生ge野好多好多...
學到ge野仲多...
要煩ge野都好多...
一籮籮咁黎呀!!!~~

今日sophia冇返學呀....到lunch後先返黎...
soso你冇事呀嘛...
呢四日假要好好休息啦!!

點解我地會有四日假期架..
會悶死我架....
今日拎書拎到我痴左線....
冇啦啦仲落雨..
今朝明明好好天架嘛!!!
我都冇帶長遮....但係帶左兩帶伸骨遮xD
真係好傻呀我!!
中文堂....講晚來香...
其實我覺得呢篇文真係寫得好好...
如果再長D就好好啦...
描寫可以再詳細D..xD

音樂堂做test..我都唔知自己做左d咩.....
見到anna彈古箏...超勁@@!!!
歷史堂又做test...
做到手軟.....見到JJ停左手我都仲寫緊...=0=
唔通JJ寫得咁快...??
今朝多得sella幫我拎簿!!..
重死人啦~~~

lunch去左食南乳雞....
好飽!!!!~~~~~
lunch hea左好耐..好無聊!!!!
不過悠閒ge感覺都唔錯~~~
數學堂睇書睇書....
搞到我好似睇緊咸書咁...
本書真係好睇架...雖然有dd色情ge成份...
不過真係好少...
整體黎講都係講d人性ge醜陋同戰爭ge可怕...
值得一睇...想睇埋另外兩本添....等我暑假搵下邊到借到先!!

班主任課上p.a....
用英文我完全搞唔掂....
實在冇咩心機聽miss講野....
笑都笑鬼死~~~~

放學ge時候....想搭的士都搵唔到...真係慘..~~
同jubilee搭巴士回家去~~~

做咩呢排大家都好似好頹咁ge??
唔通因為天氣ge問題???
頹下好啦..唔好一直頹落去呀!!!
做傻事就唔好啦..知嘛??

我,你,痴人說夢話

幾日都冇打日記lu~~~
星期六去左面試,
感覺都okay啦...
入唔入到都冇咩所謂...
呢幾日...sophia日日都係隔離不停咁講....
搞到我都記得幾時去面試同幾時公佈結果~~~
當然大家都去到就最好啦!!

星期日冇入阿婆到...
留左係屋企...
阿媽好早就包糉....
一早起身包...我訓醒ge時候佢已經包好....
真係好快速..!!
不過幾日黎乜都冇做過...
點解時間一時過得咁快..一時咁慢架...
唉.....
呢排成日都係唉....
sophia話我唉到樹葉都落啦....

不過我宜家習慣左....呢幾日同有時玩得好開心...
因為JJ都係同我地一齊玩...
笑死..
希望時間可以好似我預期咁過....

其實我有冇野煩呢...
我自己都唔知...有d時候個人好似好唔開心咁...
點解呢??
包包今日拎番黎ge trimisu 真係好好好好食呀!!
好好食呀....我感覺到包包ge愛心~~~~~
食到小息~~~飽飽!~~

原來,煩惱的不只是我,
我不是已經看化了嗎?
為什麼我不同時候有不同的感覺?
如果我一直都看化了那多麼好呢?

好幾日冇打日記啦....
宜家有打日記恐懼症....
好怕打日記添....(一定有人知點解ge..xD)

呢幾日真係好似好多野發生...
4A2由5樓搬左落去3樓...
去到7B班GE課室...
冷氣..個個都話好凍....
我同SOSO個位係好熱囉...
好似係夏威夷曬緊太陽咁...
超級誇張...!!
不過新班房有好野都有唔好野GE..
locker係課室到真係好方便..
幾時開locker都得..xD
有個有線GE咪係班房....
今日係到播歌..xD

尋日冇啦啦有人黎影相...
今日好似好大件事咁...
有邊個係唔畫黑板架...
不過算啦...
件事過左就算啦...
唔好再煩....
反正大家知咩事就得啦

好快就考試啦....
今次ge大考...考試範圍好多呀...
我都唔知點溫=0=
算啦...都係慢慢黎啦...
我都唔會溫住架啦... =D

尋晚去左睇《南京!南京!》
其實我覺得真係值得一睇...
9個人去睇戲....
一排過....真係好熱鬧咁...
jubilee睇到好驚....
睇到尾仲喊埋...
真係好激動...
jubilee同ami坐埋一齊....真係好夾...
d動作一模一樣
套戲又唔係話好多野都好恐怖....
只係有好多場面係慰安婦比強姦
槍戰...
其中一個男主角好靚仔..xD
我地幾個女仔都係咁認同..

經過尋晚之後....
唔知係咪因為夜沖涼...
所以感親呢...
今日D鼻水不停咁流...
個鼻好似就黎跌出黎咁..xD
超級痛苦~~

今日.....終於都做左英文GE SBA...
個人好似舒服左好多~~
可惜中文都係未到我去做..
落堂GE時候....MISS話左我地好耐....
不過我又覺得真係岩GE...
因為我自己都係其中一個嘈GE人...
所以MISS係鬧得岩GE....
星期一會乖D架啦我...

今日會計堂食左粒糖...
成個人都醒晒呀!!
所以話啦..糖份真係好重要
數學堂又做數.....
真係好得悶...
小息想嗌JJ幫我買糖...
不過最後都係冇..因為佢話佢唔落去...
英文堂做左SBA...
成個人都鬆晒~~~~
LUNCH出左去食飯...好曬呀~~~
返到黎原來佢地班友仔不停地影相影相....
好彩我返得早姐...大家一齊不停地影...

呢排影得好少咋...
因為成日都出左去食飯...
冇咁多時間去影..因為唔係到食飯..
遲D我會影多D...
不過宜家個個都唔肯比我影= =
影下相姐...唔會死架....

世史堂.....拎簿同派野...
唔見左SOPHIA個FILE呀..~~
但係我記得我見過SOPHIA個名架喎
咁靈異GE??
不過好快就會出黎架啦我諗...
中文堂都未到我講....
等我慢慢等啦

今日突然間有D感慨....
諗番起好多野.....
好多好多GE往事都浮番上黎...
突然之間覺得...
不如我放棄啦...
我放棄再煩落去啦...
不如算啦....我當咩事都冇發生過....當自己冇發過脾氣...
唔好再怪咁多野..唔好再憎人...唔好再咁樣落去啦...
我好辛苦呀....我唔想冇左呢個咁好GE朋友呀...
呢個人教左我實在太多野啦....
我唔想放棄佢呀...
反正做朋友唔應該介意邊個做主動GE個個..
呢樣野係阿情話我知....
究竟我應該點做??
不如唔好咁堅持啦我....好冇呀...
搵人比D提議比我啦~~~~