幾日都冇打日記.......因為幾日都冇開到電腦...
好似係兩日呀!!
呢兩日都冇開電腦......
突然之間..覺得自己好勁..可以咁耐唔用..XD

地理學會要整board啦.......
好似係我地中四負責晒地理班ge board.....
第一次負責整咁多ge board.....
希望可以順順利利啦...
各位地理學會ge會員....
麻煩大家多多幫忙!!

上完地理即刻去上生物...
又係拎住咁多書周圍走....
好重呀大佬!!
上生物ge時候由本身好留心聽書變左唔留心.......
原來lily姐記得咁多野....
真係唔講都唔記得晒lu~~
原來......中一ge我..係咁傻....
真係講真......
都唔知自己個陣做咩咁唔開心....
比起宜家ge我....
個陣應該算係好開心架啦......
可能......個陣ge我..比較細個....
真係唔生性囉...!!

原來lily姐仲記得我地一齊打過電話比佢......
真係唔講都唔記得lu~
原來個陣ge我地..有過一段都幾開心ge回憶....
當然最後.....都係唔開心ge收場.....

又原來....lily姐仲記得我寫ge個一個故仔.....
如果....我冇寫到個個故仔....
我地宜家會唔會唔係咁呢??

lily姐記性真係好到...唔知點講好....
同會長一齊坐真係好開心...
成日都係咁係到講[爆炸你玻璃瓶呀啦]
真係好gag!!

a2 ge生活真係唔錯....幾好玩!!
雖然仲係有d人唔係好熟.....
特別係男生們
阿畢今日冇返....唔知點解....
希望佢冇事啦......

原來我愈黎愈唔想見到佢......
係好討厭見到佢.....
見到都想掉頭走
點解會搞到咁??唔知...XD

放學同Lily姐,倩虹姐同麥麥係到傾計....
雖然唔係傾左好耐...
但係傾左好多野...
我諗....我真係放開左啦.....

群..生日快樂
p.s雖然佢唔會睇到..XD

我諗....係我諗多左姐可??
雖然真係唔想再諗咁多......
但係都仲係係到諗.....
再放開D會好D.....

10月4號去飲喜酒....

中四....真係好多功課呀.....
做極都做唔晒
點算.....
中四GE數學真係好難呀.....
點死??
英文究竟補唔補好....
好似好貴咁.....
小人唔係好多$$架咋....
呢個禮拜冇咩野做添....

今日阿公搬新屋....要住得好好地啦.....
其實..我阿公係死左架啦...哈哈
不過真係搬左屋...但係我冇去到.....好似好不孝咁添....
希望公公係世界ge另一邊生活得開開心心啦!!

又係星期5啦....真係好....但係又要上p.e...
真係....好攰/.....
第一次上p.e做埋d咁ge野...
真係攰到阿媽都唔認得....
放學仲要趕番屋企....
拎笛再去學笛...
趕到痴線....
以後都係唔好搵d咁ge野黎搞...

好似又好多功課咁......
唉....做死人....

今朝個早會都唔知佢想點....學fanny話齋....
真係抄左好多野囉...
要enjoy life..但係要play less??
咁點enjoy??
不過算啦....笑完就算啦......
都冇咩問題ge...
暫時黎講..中四生活都幾得閒....
因為冇咩野做....
正確黎講係冇咩野要我做...
哈哈...呢d咪叫有名冇實囉.....
不過唔緊要..放開d係好ge...
心景都平和d啦...

尋日仲以為今日一定要返學啦.... 點知又唔洗喎.....
真係.......
都唔知係好定唔好.........

好大風....尋晚吹得好利害!!...好嘈...
不過都係好快就訓左.....
我諗....我真係攰啦.....
訓到唔知幾多點...醒左.....
之後又訓番....
6點幾比阿媽拍醒左...話我知唔洗返學.....
之後又再訓過.....訓下又醒下.....
9點幾ge時候.....阿妹醒左..
阿媽同佢講,,,,,
[死啦....訓過龍啦....]
點知佢真係信....係咁問阿媽...
咁家姐呢??
證明呢個妹都有d良心..識得問我有冇返學....
勁快咁走黎我張床到...拍醒我..
p.s..其實我醒左...
[家姐返學啦...返學啦..訓過龍啦!!]
之後同佢講番...你比人呃左啦,,,哈哈
呢個妹真係可愛..XD

之後去左飲早茶....勁悠閒.....
退左休之後日日都係咁...就正死啦....
仲肥死添..XD
之後都冇野做lu~....
悶死= =

終於有得用QOOZA啦....
真係等得耐囉......
邊個咁衰係咁攻QOOZA呀??
不過我地都係管唔到咁多= =

A2生活真係好開心....
講真....真係日日都笑爆咀....
有會長同揚揚......
係咁傾計....XD
真係好開心....
不過...話冇唔開心..就呃你GE.....
人...點都會有心情GE高低GE...
傾左電話...好番好多.......
雖然都幾多DEAD AIR...= =
唔緊要....有DEAD AIR..唔尷尬先叫朋友架嘛...哈哈...

個Board...好似差唔多啦.....都幾靚下....

今日lunch ge時候....
成班都起鬨....XD
因為有人係巴街到搞野.....XD
又唔可以話係搞野GE...
係咁係到咀同埋係咁伸隻手入去姐....XD
譚梓,謝伯,陸篤,肥呆同我地成班呀..吳揚華呀....
係咁係到睇.....
不過佢地又係蠢GE.....
明知咁大間學校係到....
仲對住我地咁做D咁GE野....
真係睇晒LU~.....
不過咁遠...
其實係睇唔到D咩架....
譚梓佢地四個仲係咁揮手...==
唔係班班都見到佢地做D咁GE野已經算好啦....
5S1同4S2都好似冇睇到呢D野喎...
都係吳揚華勁...咁都知有D咁GE野睇XDD
笑到痴線@@