琴日又去左唱k

唔知係咪呢排唱得太多..我把聲有d唔掂..

狂走音  所以好唔開心..唱完之後去左食kfc

食完佢地係到傾星期一去bbq d野..(我已經冇晒錢..成日問呀媽拎又唔得)

講真真係唔多想去  因為我真係冇晒錢

之後同世子玩彈銀仔遊戲..玩左2粒鍾-_-...

最近dl番魔獸世界玩..真係好q悶入到去..打尼打去都係果個臭副本..悶死

聽日幫馬爺追番d書錢  魚姐<<走數王

敏狗果份書錢我都幫佢拎埋  唔知點比番佢添=v=

星期三同潮頭柴頭去睇哈利波特6

勁想睇  個電台講到佢超正>.<

留多d cm啦..我見我fd d blog..打個囧字都有12個留言

琴晚睇果個MJ追思會真係悶到你..

聽小齊講個結尾好正  不過我訓左了

第二朝一早同潮頭柴頭甩低昇去食m記早餐

食完就番左學校  番到去照舊我地f.3地頭比人霸左

之後就上課室  交晒d野之後  就派暑期作業

之後呀sir買左好多食物番尼  一開始係苦苦朱古力  之後係甜甜軟糖

呀sir話係想比我地體驗下  人生係一先苦後甜先幸福

放左學  我地各自各番屋企換杉  1:20要去到銀座等  因為睇冰河世紀3

我1:30先到  甩低昇放左我地飛機= =+

冰河世紀3真係好好睇  佢d配音好正  ''要放屁~唔該排隊尾''

睇完之後同潮頭柴頭周圍走呀走..走呀走..

5:30係天盛商場見到呀潘  去左跳舞..e家全部練2000  1990-.-

我就玩單跳..可惜仲有排練=_="

e家番到屋企...好攰..雞珍又話星期五去唱k  但係今次同好多唔識既人一齊

唔多想去..同番上次果d就差唔多

今日一朝早同潮頭柴頭去食早餐

食完番學校  見番d同學好開心

上到室課  呀sir係咁派野  見到自己下學期咁好既成績比上學期拉低晒

所以我下年中四既上學期同下學期都要同努力先得

唔可以再係咁  下年會好辛苦

今日個死人菜sir同miss梁又比左2樣功課

做死人咩..順手提一提郭中中三仔  佢書單果到唔好比佢陰左

佢數學有4本買  有2本係4A理科班先要買  唔好傻下傻下買晒

番到屋企係咁訓呀訓..小寶呢個屎忽鬼  係咁打尼問我字點打

搞到我訓著左又醒番  頂佢唔順 

訓醒之後拖下地  煮飯洗菜  呀媽就番到尼

跟住我就想同呀媽食下雪條啦  點知我個雪櫃唔夠凍  雪條變雪糕  雪糕變泥..

超恐怖- -..好似食緊屎咁  我決定以後買左雪條雪糕食左佢先  唔好放雪櫃

今日又拎多兩個讀書獎  開心仔

同埋呀sir話我成績好  進步最多  送左排3角朱古力同埋1個練腦既積木比我

一開1幾難玩  之後就識左  好易架炸原來(果排朱古力雪凍左咬到我牙都爛..硬到你)0.0

積木↓

e家等緊12:25分既MJ追思會

講番琴日場比賽..真係好柒呀我..

我之前整親隻左手  比賽果陣左手痛加上隻腳抽跟..所以好辛苦

跳得真係好柒..自己都唔知發生咩事..

隻舞只係排左4日..= ="

不過4日係咁上下啦  而且我又聽唔熟隻歌..

搞到咁柒..對唔住d隊友  下次一定要再好d

ps.想睇個show既可以問我拎..好柒唔好笑我-.-

今日一起身..隻手又痛

個臭雞珍又話約人踩單車  講講下又冇左件事

之後同潮頭柴頭打機打左一日

夜晚媽媽因為遲收工  所以我落左街買飯食

因為街市山左門  所以走左去熟食店睇下有咩食

點知見到佢話15蚊咖哩牛腩飯

我見咁抵就買左20蚊有埋豆漿送  之後仲買左4條雪條同1包薯片

番到屋企打開個飯盒..o晒咀..因為個飯係2人份量..太多了吧..

完全食唔晒  夠我同媽媽食  下次影張相比你地睇  多到食死人

食完飯  諗住汁下野  點知汁下汁下就搵番d中學讀書獎出尼

一張一張都好懷念  因為呢d係一直以來努力讀書拎番尼(其實只係中二開始努力= =")

岩岩搵番d雪條出尼(其實我都未睇過  係見佢12蚊4支先買)

果d雪條名真係好得意..↓

請比珍!!  我比5個

琴晚同臭馬臭龍玩星戰玩到4點半a.m.

今朝訓訓下又比細佬嘈醒

之後勁攰咁開機  一開就見到小齊

諗住聽日就要比賽  就add佢問幾時練熟d隻舞啦

之後佢就叫我落去拎隊杉..我拎左番尼..

o晒咀囉-.-..件杉醜到冇朋友..

我著上身仲要勁緊勁緊咁..

都唔知聽日點算....同臭馬臭龍打左陣機之後

tb仔打尼話3點鍾去跳舞  咁我當然會遲到  我3:45先去到

去到果到..練熟左   跳左陣  臭傑就打尼問我係邊

我話係天台跳緊舞  佢問我可唔可以尼  我就話冇所謂呀

之後條友仔就同左佢幾個隊友尼啦..果陣仲係冇乜野既..

最恐怖既係過左一陣奶杰尼左..之後勁多條友尼晒..加加埋埋果個勁細勁細既地方逼左23條友↑

之後我地o晒..坐晒係到睇佢地跳  跟住我就番左屋企拎啤牌

要多謝耀中幫手焗死班屎忽鬼..我好無辜地成為罪魁禍首

聽日就要出show  又要早起身..要早d訓  願力量在我們的手中!!!

醜到冇朋友的隊杉↓