今日大約8點就起床啦！
 跟住就搭車去屈臣氏門口等fiona啦！
 因為winnie約咗我地今朝9點去『煱貼大王』度食早餐！
 不過winnie遲咗起床，所以得返我同fiona一齊食早餐啦！
 我叫咗蔥油餅同一碟煱貼【５件】！
一場黎度『煱貼大王』，咁就哽係要叫返碟煱貼試試啦！
 真係幾好味喎！嘻嘻~
 而fiona就叫咗碗皮旦瘦肉粥！
 之後，我地就去咗麵包鋪買咗個腸仔包俾winnie啦！
而係麵包鋪就有段笑話啦！
fiona問D問題真係好大膽架！
 係冒住俾人鬧去買呢個腸仔包架！不過佢就一D都不覺有問題架喎！
 好服佢呀！
當時我同fiona就入去麵包鋪買咗個腸仔包，跟住fiona就攞『收銀處』面前的夾子和盆子夾麵包啦！(其實應該一入門口就有一些夾子和盆子俾D客人攞架啦！
當fiona見到D麵包果時，佢就問人： 『請問邊D係新鮮出爐架？』
人地就回答佢：『全部都係今朝先整架！所以全部都係新鮮出爐架！』
fiona就諗下一臉懷疑的樣子：『咁邊D係熱D架？』
人地就不耐煩地回答佢：『你要熱D可以幫你用微波爐度叮熱佢囉！』
跟住果個人就將個腸仔包放落微波爐叮咗2分鐘，令到個包真係熱到連新鮮出爐嘅包都冇咁熱呀！
最後fiona就話：『真係好熱喎！』
唔知我呢個文字版嘅笑話好冇笑呢？但我之後將呢件事講返俾winnie聽佢都話好笑！
仲話唔怪得個包咁然啦！
買完包之後，我地就返學『中文補課』由10點幾補到11點幾就補完lu！
咁早？！其實係因為我地班人成日傾計，話極都唔聽，搞到伍sir冇心機教啦！
所以咪咁早放囉！嘻嘻~
跟住返到屋企就吃午飯啦！
大約6點就同winnie、fiona一齊搭52X巴士去小欖燒烤樂園啦！
 跟住大約7點就到目的地啦！
然後伍sir就係門口度接我地入去啦！哈哈！
伍sir真係好人啦！請我地班人去小欖燒烤樂園度BBQ！
真係好多謝佢呀！
跟住我係果度同人一齊影相同幫同學影相！
仲有睇D同學夾公仔同睇打麻雀！根本就冇咩點燒烤呀！只係顧住影相咋！
而D食物都係D同學燒俾我食咋！嘻嘻~
所以我好多謝winnie、jenny、ping、polly燒俾我食！
thx~
然後玩到9點幾就同winnie一齊搭52X巴士返屋企啦！
等到屋企就10點啦！然後就睇相、睇電視咁囉！寫埋日記就12點半lu！
大約12點半就sleeping啦！
P.S. 今日我收到my best fd嘅來信啦！(一封信+聖誕卡)好happy呀！
|