今日我大約6點15分起床，跟住我就返學啦！ 返到學校都係上吓堂咁囉！ 直到數學堂，阿sir又做埋D好搞野嘅動作，跟住winnie又係度大笑 ，搞到我又笑埋一份！ 然後好快就放學啦！ 離開咗學校，我落留梯果時，我見到有兩個F.1仔係度打架 ，又打又踢咁，又冇老師係度喎！ 一肥一瘦，在對面有幾個大約F.2-3嘅學生有係度睇戲咁，果兩個f.1仔仲要係我前面由行樓梯打到落明愛果條街度，簡直無聊！ 阻住我站車，跟住我就見到佢地打到埋牆果時，就即刻行過，幾醒呀！ 跟住我就搭巴士返屋企lu！我之前仲以為今年Df.1乖過上年tim！我還以為南華有望tim！ 點知經過呢件事之後，令我感到好失望呀！嘿嘿！ 跟住返到屋企上咗陣網同傾咗陣電話，然後溫埋經濟！ 跟住見得閒就更新左個日記板啦！ 大約11點半就sleeping啦！
今日6點15分起左床，跟住我就返學啦！ 今日早返左D返到學校，最特別嘅係英文堂連堂都係在MMLC室上堂，落堂果時，我終於第一次聽到兩個鐘聲一齊響咋！ 幾得意呀！跟住冇咩特別！ 返到屋企我就訓咗個小睡 ，然後上吓網同睇吓電視咁啦！ 又上左去benny個論壇貼吓圖咁囉！ 大約11點就sleeping！
今日6點15分就起床，跟住就食埋早餐，大約7點10分就落去搭巴士啦！ 落到去見住架巴士走左去，架車今日早左5分鐘！ 跟住就企係度發呆咁等架衰車 ，有D人仲等到唔搭巴士，去左搭的士tim！ 跟住我就等到7點25分終於架衰車黎啦！ 最後，今日我終於見到我果班D同學當值果個貓樣啦！ 個個見到我都話我今日咁遲返！ 跟住就上堂，同埋到今日下午終於用返以前個下課鐘啦！ 所以有時D野我都係覺得以前好，但有時又有D野而家好喎！我真係有D自相矛盾！ 不過我都係覺得小學既我係最好ge！ 放學之後，我就係度睇電視，然後就去咗旺角同甲、乙同學一齊上堂咁囉！ 返到屋企都7點25分，然後就玩左陣PS1，再睇吓電視同上吓網！ 大慨11點半就sleeping啦！
