| 好耐冇寫日記la......有好多嘢想講~~呢個星期真係好唔開心....
同媽媽有太多的衝突了
我好討厭媽媽ge經常囉唆,好討厭佢ge責罵,好憎恨佢ge責怪,令到我好難受
就算唔係我做ge事,佢都會責怪我
自小我都覺得媽媽偏心,以前,因為家姊ge某一d事而偏心於佢,咦家,就因家姊返工賺錢,我就仲要返學而偏心於佢
係屋企,就算唔係我做錯ge事都好,媽媽總先責怪我,對我大說大罵,家姊回來了,亦咩都唔講,只會攞我來當傳音器.
家姊做錯ge事,就只會攞我來出氣,係我耳邊吐苦水.......
頭先,我就同佢嘈架了,亦唔算係我同佢嘈,因為我只係講咗一句說話,佢就不停咁罵我,就那一句話後我就冇出過聲,亦唔想講ｄ咩嘢
我好討厭佢ge迷信,佢ge舊思想.....就為咗家姊一件衫ge圖案大聲說話,話個圖案怎怎唔好,
我只係講咗一句話,就鬧我.我承認嗰句說話ge語氣重咗d 但可唔可以唔好咁迷信,咁舊思想.....
以前住係舊屋,我經常為咗家姊罵我,為咗媽媽責怪而哭,搬咗新屋之後就再冇為咗呢d喊過了,
自己學會了堅强,咩事都會自己學會解決,唔開心ge事亦都係自己.....，回到學校裹亦續漸學會不表現出來,唔表露他人面前,
因表現出來只會令到自己唔停咁想住唔開心事,變得更唔開心,亦都唔想人哋同情,
許是這樣,才弄到自己ge性格係度變,變得那樣怪
想起阿sir嗰日問我哋每日有幾耐時間同家傾計,聽了就覺慚愧,同媽媽根本就冇話題好講,差唔多每次ge傾計都係嘈架收場,
次次都係佢ge舊思想攪到嘈架,當嘈架,我就咩都唔講,唔再糾正d咩,亦咩都唔想講
so同媽說話就少咗,只會自己做自己ge嘢,平時只會應一聲,返學講一聲,放學回家也講一聲........
外人睇,都會以為媽媽是個好温和ge人,其實有時都好「激」,家姊係個性格幾激烈ge人,媽媽ge舊思想,不講理就令家姊好反感,
傾計好快會嘈架,so好多時媽都會埋怨家姊,唔睬佢
夾係佢哋中間覺得好辛苦
前日係學校仲發生咗d事,係無意中同阿sir講咗不敬的說話,在這裹真誠地說聲對不起
|
[ 
