橡筋,

拉得愈耐會失去左彃性,

人既感情都係一樣...

一開始好似糖痴豆咁樣,

每一刻每一秒都想一齊,

但時間耐左,

對得多左, 

竟然係你想離開先,

竟然係你想退出先,

點解件事會發展到咁樣?

竟然係你話兩個人相處唔洗傾得咁密,

咁究竟之前你為咩每晚都要call我?

咁究竟之前點解你會隔冇耐就會揾我問我行程?

明明係你主動做既每樣野,

點解你想推翻番所有?

究竟你係度唸緊咩?

我原本以為我地兩個好似,

性格好似,

喜好好似,

唸既野都好似,

連我平時都唔信星座,

我睇到我地兩個既星座係好夾既,

點解而加會變到咁樣?

係咪你變左心?

係咪有D咩野令你唸法變左?

定係本身你接近我係為左其他目的?

點解一開始看似美好,

而加就變到咁樣?

我地識左兩個幾月咋喎.....

我係咪應該放手?

其實一早就唔應該一齊,

我地根本冇可能可以一齊.

我應該趁未感情加深既時候放手,

如果唔係傷得更深既係自己....

一開始相處既時間緊係好,

到相處耐左, 

知大家既性格多左, 

就會想卻步,

其實我一早應該要明呢個道理,

我一早就應該要收埋自己,

比人地知道我係咁煩, 咁纏人, 咁大脾氣, 

個個都嚇走哂啦,

我呢種人, 真係唔值得談戀愛,

我呢種人, 只可以永遠自己一個. 

原來,

想揾一個完全明白我既人,

想揾一個會接受到我既人,

想揾一個會對我好既人,

係咁困難既一件事. 

可能係我冇咁既福份啦...