今日都走了堂...諗住溫書,點知無乜點溫過,到4點約左怡怡到她樓下等

到左之後一齊去左〝大元〞壽司店食壽司拉麵,食完係出面的公園坐...有d細路仔係度玩,仲走埋黎同我同怡怡講野

臨走時仲同我地握手...嘿嘿,之後去《太和》車站,華等緊我地!一到4號月台就入車去《九龍塘》

轉地鐵去《油麻地》,去左A2出口搵路...搵到後,之後等到7點就入考試房,諗住有得考

好緊張...點知開考試程式開唔到,個個都係咁...搞到成粒幾鐘先搞惦,只考到Excel...

怡怡考Word,唔合格＞＜”我考緊Excel聽倒怡怡唔合格就立即無晒心情考了...

我Excel唔合格了...怡怡見有時間考埋Excel,都唔合格,唉...而阿玲都係兩科唔合格

其它人只考了Excel,無人合格,而華一科都考唔倒-.-但他只報了Word,最後失望而回...識左個棋哥!狂話我似許志安 不過好玩得...

因好多人都考唔倒Word~所以搵左下星期一,16號再來這考...之後我地3個去左一間拉麵店食,d人食煙好臭...食完返去了,食火車!!

P.S.:個個人都唔合格令我下個星期考Word好驚...好緊張!!我唔可以唔合格架!!怡怡同阿sir都對我有期望,華你都要加油呀！

心情指數:6.9