我覺得自己真係好不知所謂

唔好話開口講野,點解可以連普通咁影番張相,甚至係行近些少嘅膽量都冇??

點解係面對佢果陣,可以怯到乜都做唔倒.....

時間越長,d野就越搞越衰,成日乜都唔做,一做就搞衰晒

你咁鬼冇用,算乜野男人......

連25米蛙式都未必游到,聽日游鬼到50米咩......3B一定出醜了

成幾十日冇打,因為都唔知可以打乜.....

聽日就係6月7日......真係死六七,2份writ,(好有機會)2篇議論文仲唔去死??!

跟手呢個禮拜考果d全部都未搞掂,我d $$,我個tablet大計,我嘅風速計,工兵鏟....都就黎冇晒喇

 今日唱大戲....原本想唱假音,但真係唱到好辛苦,最後都放棄左

地理做present,好似鯧講晒咁濟,有d唔好意思咁

eng只係一直做ws,亦一直比jman抄-.-

pth諗住睇片睇一陣,點知好快就過左成堂......

lunch就係食蕉同玩uno....我果條搣極都唔得,必晒d"蕉"出黎

同埋lunchtime又玩"推理題",忽然推到d"真相"出黎,雖然都唔係好"密"...=]

va冇野做,一直做到死為止.....放學果下真係多得pk zing,做咩推我落去姐

放學出去行下d鋪頭就走...........又係佢地= =

今日唔夠瞓就彈起身,屋企黎緊呢幾日都係家徒四壁.冇位做野唯有死死氣咁番黎做geog,點知tsong又話聽日先交,早知瞓多d啦

電腦堂都係上fb,臨尾比某條友搞學校個網絡,lag到想死

pe堂唔著底3都咁熱架fk,好辛苦lor.....中文pingping又要我地唱大戲,點練=.=

lunch"玩uno"就過左...係度諗緊1d野,點解好嘅牌永遠都係某幾個人度

突然醒起左bio,不過唔想溫,等死算

eng又hea上,第2堂何伯播d正野......成班淫喱見到班細路女就話係性感尤物黎,見到都即刻醒神晒白花油都唔洗搽

放學quiz完就被mk趕走,跟手出去睇野,返黎就見到好多人,有野真係是禍躲不過(又撞到佢-.-)....

仲有11日,好多書未燒,又冇心機,再唔認真年度尾果d錢就凍過水架喇.....