轉眼間，我已是一名等待公報選科的中三學生，但我總不承認自己的身份，因為我的心智總是漂流不定——一時像個小朋友，一個無知的小學生；一時像個青少年，一個總被不同的「情」所困擾著的中學生；一時像個成年人，一個沉醉於工作的上班一族；一時像個老人家，一個整天擔心著的老媽。這種性格，已經陪伴了我多年，尤其在初中這三年。
                因要騰出空間擺放來年的課本，所以把家裡的教課書收拾一下，不經意的翻閱中二的練習簿，只要是相處比較久的朋友，一眼就已經看出是我「特別漂亮」的字體。第一次做宗教課的功課，原來是要求我們填寫一份自我介紹，傻傻的我，想了整節課，甚至不斷地問身邊的同學，到下了課，工作紙仍留下這樣的空白：「我覺得自已很似______，……」。突然間，我竟然在這空白上填上一個字：水，只是突然間的想法，自己根本沒有想過其後要填寫解釋。當年我所填寫的原因是：「我的性格像水一樣，會硬又會軟，有的時候我會罵人（有人被我罵到哭），有時我平易近人（所以我能認識到不少朋友），而且我很喜歡和水有關的事物，如：雲、瀑布、彩虹等」。一個中二學生，但根本還以中一心智填寫的答案。
                現在的我，心中不禁喊出一句：「好苯啊！水有三態，怎能以『會硬又會軟』作解釋？」，結果我心裡重寫了這個解釋。
                首先，水有三態，就像我的性格，也有像不同的變化。當我非常開心的時候，總像水蒸氣一樣，一樣的活潑好動，總需要別人的「冷卻」才能令我停下來，不過到了中三，這個情況已經極少數出現。當我失落的時候，總像冰一樣，一樣的冰凍，用厚厚的冰保護著自己，一般人就算用上錐子鑿都未必能夠鑿破，唯有朋友的「火」把我「溶解」。最平常的狀態，當然是液體的水，水可以改變形狀而融入容器，我也一樣，能以改變自己而配合著別人，但水始終是水，我始終是我，本質是不變的，亦能代表我容易投入。水的無處不在，代表著我總在朋友的身邊，就算有的朋友討厭我，我也不會放棄，總會找到空隙而流入，成為朋友。水在多方面為人類服務，就好像幫助發電，汽車的冷卻器等，我也愛服務，所以也以不同崗位為學校服務。所謂「水能覆舟，亦能載舟」，雖然我總是帶了不少的麻煩給身邊的朋友，不過有時候都可以幫忙安慰、開解朋友。人們經常說的「半補水」，當中的「水」意思是指知識，我自問非常愛不同的知識，所以總愛收集，不論是書或是宣傳單張。
                今後，我以做別人「愛戴的水」為目標，希望能夠成為別人的「生命來源」。

——暑期功課：練筆一

昨晚因為四家姐遲遲聯絡唔到
搞到無得同大家姐去唱K
失望失望
諗住仲會悶足一日
有D開心既係丹丹打黎話送份生日禮物黎
係我人生中第6份生日禮物啊^^
之後君君話阿ken叫我同君君去唱K
有種「塞翁失馬」既感覺
感謝主
因為要拎丹丹份禮物
所以搞到遲左D
不過好多謝小丹份禮物&送我去搭車啊
多謝丹丹
之後去葵芳
會合埋君君、阿ken同好耐無見既連曉欣
去左KFC食野
（原本打算食兩個葡撻嫁
　不過有一個比人好唔客氣咁拎左出=0=
　無扶了）
阿ken出手拆丹丹份禮物
（無計啦……本人唔多敢拆嫁，丹丹包到咁靚）
不過好彩佢拆咋
唔係我都唔知份禮物係「高危物品」（易碎類）
唔該晒呢
之後就過返去neway個邊
先知原來連曉欣唔係一齊去唱K
小小失望
比平時唱得耐好多
今日阿ken唱既《愛的呼喚》有1月2日既九成水準
好耐無聽過次咁好嫁喇
不過
君君唱到話眼訓呢……
仲玩左陣偷拍
哈哈
可想而知有幾長
之後君君中途走先（其實都ok接近完個時嫁喇）
咁我地繼續唱
不斷既係合唱歌
全部都係舊的
最後一隻竟然係《熱帶雨林》
臨走發現了君君遺下了鎖匙
阿ken話食埋野先走
行左好耐、坐左好耐
最後去左麥當努
坐我地隔離台個小朋友好可愛
好聰明嫁
佢話一定要個個小朋友比佢抱
咁就開始左我地同個小朋友玩喇
係玩左極耐
有小小危險既係我份「高危」禮物
不過呢
我係旁邊見到阿ken好溫柔呢
雖然有時對喜林惡左D
喜林真係好得意、好聰明嫁
佢係用左手寫字嫁
佢好活潑嫁
仲請我同阿ken食糖啊
真係得意死喇
又識用手機
最得意係識唱《老鼠愛大米啊》
>w<
好好好得意啊
最聰明既係佢識分左右嫁
好勁啊
到佢要走個時真係好唔捨得佢呢
之後呢……
就比阿ken大特訓
比佢話左句「連兩歲半都不如」
真係……好對唔住啊
不過好多謝阿ken訓練左咁耐
我下次會有好D既表現嫁喇

=======================================

暑假既日記將會大量減少
所以大部份都會嘗試兩邊（qooza  & zanga）一齊post

唔知點解
要我將初中三年作比較
我會話中三係我最開心既一年
呢年係真係學識唔少野
第一：三個prefect一D都唔好受
prefect同IT都係今日既新野
令我識多左人
唔係prefect
我唔會識楊淦、陳武鑫、brain、connie姐姐、rain姐姐個個leader
我唔會同團長、卜卜、鄒蘭芳、馮文好、朱古力、大枝等等熟多左
我唔會同一大班F1既小朋友熟咁多（雖然1B個班尚有阻礙）
IT就令我同samuel哥哥熟左
當然仲有Miss Lai、楊sir
仲有謝天恩、梁曉雯
第二：總使唔同班，友誼都唔會變
對我黎講
我一直係覺得唔同班就會疏左
但今年比我既答案係唔係囉
首先我同瑜啦
基本上我地都係因XD而熟
之後呢
就係珊珊佢地喇
唔同班都可以好熟妤熟
真係好羨慕佢地既友誼咁好
第三：我身邊有好多人支持我
今年好多謝珊珊、hubert、中子、瑜、maggie
雖然呢幾個未必話係同我好熟
未必係同班
但真係好多謝同好感恩
係我好失落
好灰心、好想搵人傾既時間
你地都肯聽我講野
真係好多謝你地啊
第四：外面既世界，競爭好大
係中一、二既時候
根本覺得自己成績ok
今年我一D都唔覺
勁人太多
1、2、7、8、11、12、20、21、27、28、30、31、32、37、41
只係部份！
開始感到壓力
我相信下一年既競爭會更加大
所以我會比心機嫁

之後睇君君日記知道呢件事
但我完全唔敢睇D相同埋段片
太驚喇
呢兩個人好過份啊
點可以咁做嫁！！
兩個都係衰人

呢篇新聞之後發現左D野

既然咁夜都訓唔到
就同大家分享下我部份既成績表啦

有D對唔住Daniel同Miss Tsang
三年黎既成績總係15X
一直都係咁
對唔住啊
（隱約睇到EL
　合格都算好彩喇）

中史簡單險到無得左險
真係好好好彩
多謝Miss Ho（都要多謝君同阿ken）
中史要合格好難啊><

今次Maths
原本以為死梗
因為Exam真係好差好差
但出到黎
全級19真係好開心
thx God~

呢科……
有少少對唔住Miss Lai
Pascal真係麻麻
如果唔係既話
我應該係可以全級十內嫁
對唔住啊Miss Lai

又一科極險
好彩之前少野考
咁先拉得返
唔係既話……
死緊
就會好似隱約既history咁
拉唔到合格
對唔住啊……
history又唔合格了

最自豪之一
就係呢兩科
一個第三
一個第一
雖然第一但無科獎
真係有D激氣
但要學會感恩！！
身體今年的確差左
但都可以重上第一
thx God~
Music無筆試都可以第三
多謝許sir
thx God~

呢個……
好彩keep到20
一直都好驚
入左3C
遇到咁多勁人
先知原來呢級好多勁人
一直係1E、2E既安落一下子無晒
加上無PE、Music、Art既拉分
咁就搞成咁
對唔住各位啊……

呢個我就覺得奇奇怪怪喇
點解我勤學A嫁？
我完全唔覺自己係勤學一族嫁wor=.=

呢D經典喇
三個prefect
乒乓波校隊
Choir
學兄學姊
Bowling club
不過無左drama
但多左個local history
真係無奈
優點、嘉許極多
總計有3優點、12嘉許（一缺點><）
choir有4個嘉許
junior同mix各2個
學兄學姊1嘉許
IT prefect竟1個優點2個嘉許
好多謝Miss Lai、楊sir、謝天恩、梁曉雯
唔係你地我無咁好成績
多謝
class IT
都有1個優點
多謝蔡sri~~
Prefect竟然有1個優點1個嘉許
好驚喜啊
我自己一向唔算係個好prefect
又唔捉人（好驚捉人呢）
又唔多準時（因為太多野做喇=.=）
但都有咁好既獎勵
多謝小卜、楊淦、陳武鑫、connie姐姐、Miss歐陽同一眾prefect team既同學仔
尤其係成日要同我調個D><
Library同校隊都有2個嘉許
自問今年係呢兩個方面都做得唔好
真係好對唔住啊
（缺點個個明明唔記我嫁
　到尾先記
　激死）