好耐冇試過呢個時候打blog.

想講句對唔住.係因為我太任性

我真係冇心 , 情緒激動既時候我冇諗到後果.

呢一刻..有好多野想講..可惜

我想講俾佢知既人未必想聽.

到佢問起既時間..我再講唔出口

原來有好多野唔係一直想像咁美好.

我曾經講過,自從有人同我講唔開心既時候同人講會騷擾到人之後

我一唔開心就咩都唔想再講,放係心入面..

慢慢變成為咩唔開心都講唔出口

當我知道原來自己唔開心既時候打係呢度唔會騷擾到朋友

所以呢個blog對我黎講好重要.

無論我開心定唔開心

都會係呢度講出黎.

有時睇番會懷念以前,有時會係度憧憬將來

只要將心入面諗既野,平時冇講出口既野打出黎.

個心就會舒服好多

朋友總係會係空閒時間黎呢度睇我近況,

會關心我,鼓勵我

會事後同我講番佢點睇,

但呢個blog , 我係咪真係要block左佢?

係咪要將我宣洩既地方鎖起佢?

因為我再一次騷擾到人

原來憬我話緊人,指責緊人既同時..

我都好有問題.對唔住.

坦白講.而家我唔想咁樣.

點解會有一種抗拒既感覺出現?

點解我傷心既時候.同唔到你分享?

點解你有事唔會同我講?

以前我唔會咁 ,

但慢慢...當好多事發生既時候..

我開始問自己好多問題

問自己咁做岩唔岩?

問自己係咪想咁樣?

越在乎一樣野 , 越容易令自己失去理性.

咁係咪應該唔好咁在乎?

到底咩係應該做咩係唔應該做,

到底有冇人話我知.

突然覺得有種窒息既感覺

呢種感覺幾時先會平息?