今日又遲到啦,嘉兒今日又無打俾我叫我,我今日遲左3個字起身,整完野落去,見坐的可能唔使遲就坐啦,點知坐的都要遲! 唉.....好灰lu>_<
遲到去又俾老師話我又開始成日遲到!因為我上年遲到遲左成40幾次所以俾佢話,我都唔同遲咖,我已經好努力咖啦,但都係咁遲,今年又遲左十幾次啦!我唔可以再遲咖啦,唔係真係唔掂,所以我以後唔可以再遲啦!
跟住第一.二堂係上視覺藝術,又係將之前未畫完個d畫繼續畫完佢。就係咁畫下傾下就好快過左2堂。第三堂係上中文,今日老師要我地作文文呀!=.=  又係我唔想做既野,次次作文都到最後文-.-
上完堂小息落左去下面坐,坐到打鍾上去繼續上中文堂作文!呢堂發下呆傾下計就完左,一d都無作過。下次唔可以唔做啦,唔係放學成日俾人留!努力加油!
跟住第5堂上商業,又係例牌工作紙,無新意,做到唔想做,做到好煩!但今日唔知咩事,俾心機做wo @@?
上完商業到再後一堂正堂,係導修堂,俾我地做自己野,正! 原本諗住係呢堂做作文,點知又係無做到。唉.....
  跟住就係食飯時間,今日去左食日本野,又係叫左個照燒雞扒飯黎食,飲凍檸茶呀唔該!^_^食完同雞雞,毛毛,鄰爺(9c人士)坐左振去廁所,毛毛再睇下有無咩漫畫借黎睇,最後無借到就返學校。
  返到學校等到打鍾即時上去,因為唔想俾人捉=.=之前俾人捉我遲左少少上去記左2個名,記夠5個就一個缺點呀唔該!-.-
真係好on9 lu呢間學校,越黎就越衰,d校規就越黎越嚴,都痴線咖!個記名個個就係最近先整既>_<   唉...間野無啦!
食飯之後個3堂係數.電腦同英文。數學今日係討論d提目,而電腦就係教書,英文,唉個老師真係變左好多,我今日同我隔離個個擰中文野出黎係佢面前做,佢都唔理,佢上年勁兇恨,無帶咩又點又點,無做野又留食飯呀,又點又點,唔識又留低教你地咁,但今年就變左.....
可能佢放棄左我地啦,因為我地英文太差,自己放棄左自己,佢又覺得教唔到我地啦,所以唔理我地啦,咁都幾好啦!^_^可以輕鬆d上英文!   就係咁就上完。跟住上班主任節個時同個死肥仔肥兜(佢唔係好肥)串佢挑機,挑信長,哈哈,佢成日講到自己咁勁,反正玩下咪叫佢挑lu
  跟住就放學,今日放學要補中文,補到成5點2到先放人,因為我未做完d作文,所以我留左係到作。但老師唔得閒係到留我lu,佢要見雞雞老豆所以我就琅自己做完交俾佢,但我無咩心情做,所以係到睇人豆波睇睇下嘉兒打黎咪同佢傾左振lu。我見佢好似唔想傾定有咩事咪收線lu!跟住睇完左人地打波我都未做過作文就返屋企!
  返到樓下買左d野食自己食,我個細家姊佢又叫我買d野食返黎俾佢食,咪買俾佢lu
上到黎,開部電腦睇下有無事,玩唔玩到,點知又係唔得!>_<我估係張顯示卡有問題咪拆出黎整下佢lu,點知得左,真係張顯示卡問題!上次都係因為佢所以擰左去整,今次俾我估中左^__^    哈哈    開心!
  咁見得閒咪打返d日記lu,一打就到食飯,到9點幾先左大家姊用一振,見佢無用又到我用,再打埋其他個d日記!
                                                                               完!
                                                                                                                               阿蔥出品必屬好品