哈~
今日係7月22日呀!
我期待左個日好耐ga啦~
因為今日係BBQ既大日子!!
我地係呢日之前已經做足左好多準備功夫...
所以都希望今日可以玩得開心d...
但係第一個問題就發生啦!
今日朝早落大雨呀!
又行雷又落雨,
又呢樣,又個樣,
咁點好呢??
我就第一時間開電腦問人啦~
點知......
原來佢地一早係度講緊呢件事
定唔知點啦= ="
總知我地就係度討論...
最後我地都係去BBQ~
跟住到左12:30...
我同3諗住接左34同15先~
(因為佢地要番學)
點知...
原來佢地未拎野黎...
(我仲諗住佢地拎,真係囉= =",諗都諗到唔會拎黎啦)
我之前仲叫左3個傻佬黎...
家陣佢地黎都唔知做咩...
於是...
係佢地掛住睇野既情況之下...
我地4個走去搭的士!!
醒呢
 ~
咁之後係我地搭的士既期間...
我地就打電話去話比佢地知我地搭緊的士= ="
(我諗佢地都激死ga啦,睇睇下野唔見左我地,原來我地去左搭的士= ="
之後叫佢地去9號巴士個度等我地。
然後我同15就等3同34,
(佢地走左上去拎野= =")
突然之間...
唔記得左仲有2包炭係15家...
不過唔緊要...
個度都有得買^^~
跟住呢...
我地就搭地鐵去9號巴士站~
哈~
我諗佢地都等得我地耐啦
 ~
跟住見到佢地...
我地就上車啦~
上到車....
班男仔話我地嘈...
實質上佢地仲嘈啦!!
真係可惡!!
幾經辛苦...
終於去到沙灘啦~
之前咪話落大雨既,
去到沙灘竟然一d雨都冇wor...
陽光普照...
不知幾正呀~
不過跟住就慘死啦!
一去到,換完衫之後...
低能ga...d男仔係咁用水槍射我地wor...
本應做義工既15都比人射到濕哂...
班男仔真係可惡
 !!!
本應3有一支價值$45既水槍既...
(好大支ga個舊野)
但係1支水槍鬥10支水槍...
機關槍都冇用啦...
結果如何??
咪比佢地射到濕哂囉= ="
件衫簡直係透哂...
個時真係想講粗口罵佢地,
我講左話唔舒服都仲要係度射wor...
真賤格...
好彩最後都冇事...
不過差d唔記得左之前定左好多野玩呀= ="
於是我地最後就叫埋d男仔玩開口中...
唔記得左邊個好好笑...
第一次估中左,
於是比我地係咁潑水呀,射水槍呀咁。
咁第二次...
我地明明估話1-30
但係佢就話:
我唔信咁邪,78!
7咩野8丫...
1-30呀小姐~
之後唔知發生左咩事...
佢又估中左啦!
哈!
我地又係咁潑水,射水槍...
之後10見到咁...
就即刻潑番水比我地wor...
願賭服輸呀小姐!!
途中.........
10唔小心潑到34...
11即刻奮勇上前,奮不顧身咁去潑10.
嘩...
睇見個種場面,
我就諗起老公救老婆...
然而...
呢個係事實...
(34...原諒我咁講啦><)
之後...
佢地去租浮床玩既時候...
我就陪18去睇呀乜水踢球...
佢仲同我夾定哂到時如果行過去個陣應該點應付d男仔= ="
之後我地行過去個陣...
d男仔真係問:
你黎睇xxx呀??
(唔方便透露個名...不過大家心知肚明啦~)
咁我地就話:
唔係...我地黎買野食之麻~
當然...
我相信佢地唔多信我地講既野...
而且,
呢個真係唔係事實...
但係我好似聽到d男仔講:
喂!xxx,聶鈺庭係個度呀~
唉...
如果18聽到好happy都似...
跟住行番過去個陣...
好彩岩岩趕到...
因為佢地岩岩諗住話落水玩~
原來佢地話要去浮台...
咁我就跟住去啦~
但係10個老豆唔放心我地...
(因為有成3個人唔識swimming)
所以佢就拖我地去浮台...
好凍呀d水...
就快變冰咁製...
咁我就捉住15隻手啦= ="
上到浮台,
覺得好正,
不過暈暈地= ="
我同19講好正!
都唔使點郁~
但係19就同我講,
佢頭先游得好辛苦(隻腳),
早知就唔游啦!
於是,
係返番去沙灘個陣,
佢真係冇再游...
而我呢...
凍到就快變雪條!
捉到15隻手緊一緊= ="
去到淺水既地方...
叔叔叫我地自己游番過去...
嘩!
我個時真係想殺死佢...
我好凍呀!!
又累...
於是就游過去...
不過話時話...
我真係好囉呀= ="
竟然係度游左咁耐...
其實游一陣已經掂地啦~
唉...
真係慘= ="
跟住我就去買雪條食...
洗左$6...
早知就學3咁買麵食啦...
$8咋炒麵...
真係笨= ="
(但係佢其實一早已經提左我ga啦= =")
然後我聽11講...
黎老師到左!
我地就即刻巳跑去搵黎老師啦~
之後見到黎老師個時...
佢買緊短褲= ="
話仿止咁熱wor...
但係個陣都成5:50啦...
熱咩呢??= =
咁我地就話比d男仔知啦~
d男仔就話:
不如我地搵水槍射黎老師丫~
大家都舉手讚成!
咁我地就開始計劃應該點好...
計劃就咁既:
首先,
黎老師換好短褲後...
我地d女仔就去bring黎老師去2號台個度...
然後,
d男仔就係個度埋伏,準備射老師...
計劃開始進行:
我地bring黎老師個度去2號台個度都仲好順利既...
但係好景不常...
當d男仔起身準備去射水槍落黎老師度個陣...
黎老師就話:
唔好射我件衫!我冇帶泳衣!
只可以射小腿以下。
d男仔聽到之後即刻射佢小腿以下...
黎老師見到咁樣...
即刻就話:
小腿以下都唔得!
你地要射就射d女仔啦!
嘩...
聽到黎老師講呢句之後...
我地就糟殃啦!
之前已經比佢地射到死死下ga啦...
已家又黎!
黎老師呢招插贓嫁禍都算勁囉...
搞到我地d女仔幾可憐呀
 ...
都唔知邊幾個呀...
(我真係唔知邊個...我睇得唔清楚= =")
係咁追住我黎射wor...
都變態ga...
仲記唔記得個支價值$45既水槍呀??
好彩有個枝野咋...
如果唔係我就死得都似...
玩水既時光真係過得快呀!
又係到BBQ既時候lu...
我地即刻換衫呀咁啦~
15都唔知做咩...
我換緊衫個時佢竟然同我開門!
好彩我岩岩著好衫...
否則後果不堪設想= ="
跟住我地就去BBQ啦~
本應我地個爐d火就唔係好大...
但係後尾d火好好,
好耐用~
因為我地d炭夠大呀!
但係佢地男仔個爐就...
唉...
都唔知叫咩好呀!
頭頭佢地個爐d火仲好過我地ga...
但係到到後尾...
佢地個爐d火開始冇咩...
佢地竟然燒紫菜
 !
都變變地態ga...
燒棉花糖我就話見過下姐...
但係燒紫菜...
佢地係咪痴線ga...
仲有呀...
係我燒棉花糖個時...
我d棉花糖唔小心掂到10個條芝士腸...
佢老豆睇到之後...
即刻叫佢唔好要條芝士腸...
10佢即刻怒bar住我...
好激動咁話:我一定要你還番條芝士腸ga!!
我聽到之後唔知點解覺得好好笑,
但係真係幾唔好意思...
搞到人地冇左條芝士腸食
~
燒燒下野食...
我地個邊走去講鬼故...
黎老師聽到之後,
即刻走左去男仔個邊燒野食...
我聽d男仔講,
佢地問黎老師點解過黎呢邊燒野食,
咁黎老師就話:
佢地個邊講鬼故呀...所以咪過黎囉...
哈...
原來黎老師都會怕呢d野ga^^~
跟住...
我地就去計番掂條數啦,
搞左好耐先搞完...
我地之前仲諗住玩tura or dare ga麻...
但係已經成9:00囉...
於是唯有唔玩啦~
唉...
就咁一日就玩完啦!
不過,
上到車先好笑...
我地係本應係度講緊今日BBQ個d野ga麻~
點知18叫我係架車轉彎個時睇下個通道...
我睇到既...
竟然係龍眼殼同龍眼核係度賽跑!
嘩...
簡直係勁呀...
每當轉彎個時...
d龍眼殼同龍眼核就係度滾黎滾去...
超好笑呀...
當然...
最後由龍眼核勝出!
不過...
龍眼殼都好有體育精神咁滾埋去...
好快...
我就返到屋企啦...
返到屋企,
我玩左陣電腦,
但係...
我竟然比人罵不特只...
仲要比呀媽叫話拖地!
呀!!!!!!!!!!
我真係想死呀!
玩得咁累...
仲要拖地...
唔濟呀><!!!!!!!!!
仲諗住今日真係咁開心添...
|
