今朝早會之前蕭sir同我講話一陣我同蔡xx去6b班搜書包=.="跟住我都唔知咩事要搜書包啦........之後早會完左!就去左6b班度搜書包啦=.="仲要覽埋條隊長帶先想死!原來係有人偷$,所以咪搜書包囉!之後我就係搜女仔個d書包,跟住搜緊一條友個書包個陣,佢仲有個暗格,我唔知啦~之後佢同我講話呢度仲有個暗格係度,點知一打開見到勁多M巾係度,所以就即刻冇睇啦=.="佢都痴痴地線既,明知d M巾係度就唔好叫人睇佢個個間格啦=.="唉........跟住睇完書包又要睇櫃桶同褲袋.......全部搜晒之後,d老師竟然係度話咩琴日見唔見到陳xx擺左袋$係度?大佬呀~冇病呀~琴日偷左今日點會再帶番黎呀?人地都擺左係屋企,或者用左都唔定啦!搜黎都廢既~勁白痴喎!!

電腦堂,我終於都打晒個d咩唐詩喇,但係d人仲未打完........仲要剩係打到10幾首,總共有40首!都唔知佢地打到幾時先打完=.="咁下次個d堂我係度做咩呀=.=?之後d人知我打晒,仲要大大聲咁話"等我去copy吳xx個d先!"駛唔駛咁大聲呀?驚死人地唔知咁!好采個miss有少少問題聽唔到姐~如果唔係個條友死得><"

小息個陣,條令仔又黎~唉........好煩呀!!跟住佢係度講咩"放輕腳步"之後咁岩個陣張xx係度跑,我咪跟個令仔講"放輕腳步"囉......點知張xx話:屌........"幾驚佢上到去打我呀!好采冇姐~哈哈^^個令仔真係勁好笑喎,佢無啦啦同我講"識到你呢個fd真係值得光榮,又唔會咁悶!我真係好開心~"屌.......仆街啦佢!幾時有話同佢做fd呀=.="痴線既!!跟住完左小息,行緊上去個陣,我同d fd講番頭先個令仔個d爆笑野,跟住d男仔又唔知係度講咩笑到勁大聲,跟住我又冇鬧佢地~仲要自己係度傾埋度,唉.........蕭sir原來係上面望緊我地,跟住佢係上面鬧我地,但係我......下次就會單獨鬧我架喇~唉.......下次都係唔好傾計,上堂唔好傾計!廢事又比人鬧~咁就冇得做隊長,琴日我先比蕭sir話完~依家又係咁!唉......都係做番個好學生=.="好白痴呀~當我冇講過啦,不過都係避免傾計啦!

今日又有普通話堂喇,次次有普通話堂都有一d笑話!冇計啦,個不男不女咁好笑!今日無啦啦問我地識唔識唱普通話版既生日歌=.="我地都廢事理佢,所以佢話咩識既舉手,我地都冇舉!係得d白痴仔先會舉,仲有,佢係咪低能架,邊條友仔唔識唱生日歌呀=.=??之後竟然叫我地起身,咩男仔唱生日歌,跟住男仔唱完就到女仔,我地d女仔勁想死~跟住婷佢勁唔想唱,所以條不男不女話男仔坐低,佢又坐左=.="跟住d男仔話婷原來係男仔......妖~條不男不女真係忍左佢好耐喇!超想打佢喎~on9到爆!!

放學個陣,winnie連去個新都城既廁所都要我陪=.="之前又係咁,連去增值都要陪=.="有時去1期度買野,買完我行出去搭x落去就可以搭車,勁方便,跟住佢就係行去2期坐電梯落去搭車,咪又係好方便,又要我陪到佢到咩電梯個度,我都忍得佢耐喇!咩都要人地陪,痴痴地線既~之前話去買鞋,佢又無啦啦叫徐慧娟同埋我地去,跟住徐慧娟就可以同佢一齊落去搭車=.=..........唉~