今日個條班主任著左件紅色衫,同埋點點裙,都係有d紅色既!都幾令,但係唔知點解佢要著黑色鞋.....搞到好似好怪咁=.="

P.E堂個陣,又要落去x魚灣度,其實阿sir主要都係比d男仔踢波炸嘛><"跟住我地d女仔勁無聊,攞住個排球係度玩咩馬騮搶球....勁想死!!winnie仲要做左3次馬騮^^"跟住上完之後小息啦,頭先未上之前,我攞左個10蚊諗住一陣上完堂買野飲,點知婷佢攞左個10蚊走=.="徐慧娟佢見到又順便攞埋個5蚊走=.="我勁想死........之後咪話請佢地飲囉,點知個winnie又話要飲,一樽個d野飲5蚊,得攞左15蚊,點夠請3個人飲呀?我自己都要飲架嘛!!所以winnie同婷係度爭個5蚊=.="winnie佢又成日請我食野,所以咪話請winnie囉!婷佢勁想打我,我知架喇!不過佢最想打既都係winnie^^"咁咪話下次先請囉~唔緊要啦.........

小息個陣,個令仔又係狂咁同我地講野!唉........仲要係咁up埋d廢話~但係又勁好笑!因為白痴呀嘛!!哈哈^^"有時個令仔冇黎個陣,都覺得好似冇咩好笑咁!如果佢係度既話,就會搞到我笑餐死^^

英文堂個陣,個劉xx係度問林xx聽日係咪又著涼鞋,個個林xx又真係勁鍾意著涼鞋喎,次次見親佢都係著涼鞋既=.="跟住傾傾下,就同個條劉xx狂咁傾計!仲要係度傾咩聽日便服日個d野!仲記得佢次次有d咩係要著便服既,佢都係著個條死人褲番黎!跟住我話佢啦....佢竟然同我講話"我得個條褲"我勁想打佢...........

聽日就係便服日喇!我知係得我個間學校先係聽日著便服既姐........所以有d想死><"

趙雅婷

趙雅婷

趙雅婷

哈哈^^趙雅婷我提左你個名4次喇,係咪好開心呢??以上大大隻紅色字既趙雅婷就算係提左你3次架喇,跟住仲有個5蚊都提左你呀!!哈哈^^我知你依家好想打我架喇!不過你話一定要提你呀嘛!!所以最方便快捷既方法就係就咁打你個名出黎係最好的!!我知你一定好開心架喇~就算係勁開心都唔駛即刻打電話黎同我講架喇~哈哈........(趙雅婷,如果你睇左我個日記既話,聽日千奇唔好捉我入廁所打我呀@@你開心得架喇!thx~)