今日同徐慧娟去左行街....琴日媽咪放假~係屋企大掃除,所以冇去喇!!!

2點幾出左去,去太子個聯合,冇野行=.=去個度晒時間同埋晒車$......><"跟住就搭番埋車去油麻地,搵下個朝流特區係邊,不過我地都係唔識=.=唯有問人啦...跟住我地先識~個度冇咩賣衫既鋪,好多賣袋同賣公仔,有隻公仔我岩岩識,叫大根同細根,不過細根得意d,但係就貴d~我依家又有小小鍾意呢隻公仔喇!!哈哈^^"跟住行完朝流特區行番去新之城個邊,新之城其實冇咩野行,之不過佢係同旺中連埋所以我先去~睇中左件衫既,但係都係冇買,銅鑼灣個邊仲多,所以我唔係mk買喇~7點幾落去影貼紙相!今次有d影得好令呀~影完一部機就去例外一部機啦~第2部機我地以為影完喇嘛,點知出到黎聽倒入面係度影=.=跟住我地即刻走埋入去,之後我地係咁狂笑,有一張影到我地勁好笑,徐慧娟佢笑到爬左係度,跟住我就笑到勁high!!哈哈^^不過我地梗係冇要個張.....8點半岩岩番到屋企,跟住又岩岩好趕得x睇神鵰俠侶.....哈哈!!唔講喇~88

今日終於都出左街,不過係去做運動=.="打羽毛球呀嘛,2點幾個陣打比表姐約佢出黎打~佢話好啦!!好yeah@@終於都出左去做運動喇~唔駛成日係屋企勁無聊係咁玩電腦,而msn又冇人上線個隻,因為一係一d出晒街,一係就一d番左大陸!!跟住我3點幾先食飯,我今日成12點先起身呀!所以咪咁晏先食lunch囉.....4點半到左表姐屋企樓下,跟住就同佢去打啦,第一次,打左好鬼多次都係咁掉......呀掉.....呀掉=.=第2次,好yeah,終於有一次係連續3次冇掉喇=.="不過都好呀~好過一次都冇,哈哈^^跟住第3次,yes!!打左好多次都冇掉喇~我知點解第一次係咁掉喇,因為我好耐都冇打過喇,唔係好慣,所以咁囉...打耐左之後就唔會再掉囉~^^"打左半粒鐘,佢個勁煩既細佬又要落黎=.="好煩呀~次次去邊佢都要黎,好采去行街佢又唔會姐......跟住冇計啦,咪同埋佢一齊囉><"再打左陣,落去買野飲,買完又上番去,冇幾耐又落番=.=去tko中心行下,冇野行既~d鞋又唔令!跟住我地坐底係度玩xxxx,唔知點講><我係咁輸係咁輸,隻手比佢地打到d微絲血管爆左><痛到爆呀~~到左差唔多7點我就走人喇!!

今個禮拜都有街出喇~禮拜4可能去行街^^禮拜6去游水呀~~哈哈^^

終於都唔駛咁悶喇!!同埋依家好想去睇戲呀~同埋你地千奇唔好去睇"鬼域"呀~無聊到爆!都唔知佢up乜~去睇都晒$呀.........

今朝7點幾就起左身喇><"眼訓死我喇~跟住洗緊頭個陣,唔知邊個打黎啦,跟住我個頭有勁多泡泡度,搞到個地下...........哈哈^^勁多泡泡~跟住我一攞起個電話,條友仔岩岩收左線=.="搞錯呀~~~跟住睇下來電顯示,--------P---------即係冇來電顯示啦,係呢個時候打黎既人而且又係冇來電顯示應該係婷啦,好yeah~我既驚佢唔番呀!!好采佢仲打黎比我呀!跟住洗埋個頭再清理埋地下d泡泡=.=(阿媽你今日唔駛x地喇,我比你仲x得乾淨呀~因為有香味,就係洗頭水個d香味^^"哈哈)就打番電話比婷啦,點知佢走左喇><"個陣諗住佢都出左,我就即刻出啦,點知...........一攞起個袋,唔知點解咁點好似好核凸咁,再攞第2個袋.......唔得喇又~!第3個.....第4個.......跟住算!!都係攞番平時用開個個,今日就係唔想攞個隻袋,唉.........算啦,如果再試袋既話就會遲到架啦!!!!

到左學校,見唔到婷,又見唔到徐慧娟!個陣我仲諗住,死啦~佢地冇番咁我點算好呀???跟住過左陣我係度行黎行去,終於都見到佢地喇~原來佢地上左去攞野,嚇死我><"好yeah!佢地兩個個都有番呀^^

搭車搭N年先到海下灣啦~到左之後企係一個冇冷氣而又好大個太陽射落黎地方,熱死我喇~仲要企係個度聽d人係度講廢話,快d去沙灘喇><"條友up完一輪廢話之後終於都去沙灘,行過去個陣,見到舊牛屎><"仲有要勁大個隻,鍾sir稱個舊牛屎做年糕,哈哈^^都幾似年糕喎,哈哈~~~到左沙灘,條友又係要up一輪廢話先可以落水玩,但係條友仔係叫我地搵野,但係我同徐慧娟都冇搵,係度浸腳,嘩.............爽呀~婷佢冇帶拖鞋,叫佢除鞋佢又話唔想,所以佢冇得爽下!!哈哈.....浸完腳係d沙度玩埋d白痴遊戲,咩係一組入面搵一個人出去玩,我地個組冇人出,跟住唔知點解校長叫我去=.="跟住我就出左去,個game要x住對眼,跟住搵野,係要我個組既人叫我向左or向右,但係玩個陣......完全聽唔倒我個組d人同我講=.="我企係度唔知做咩,最後佢地幾條友仔終於都捨得同我講,跟住我都搵到個d野喇~

之後要行一條勁長既路去佢地既中心休息同埋玩......行完之後到左個度有條天橋,d風勁大,好爽呀~~~入到去個中心,好似冇開冷氣咁,係出面仲好呀!!不過過左陣就涼喇~第一個game係比4樣野我地聞下係咩黎既,跟住我個組d猛索猛索,但係又唔知係咩黎既!!最後得岩左一題,個題係我講架,yeah~~~不過其他組都係岩左一題姐!!!之後就係要一組入面要一個人出去摸下個樣野係咩,d阿sir又係咁叫我出去=.="不過我都冇出,例外一條友仔出左,跟住佢摸個陣,話"滑xx,淋xx"咦~好核凸呀!!原來係海參,好核凸呀~~~

跟住就坐"波離"船去睇珊瑚喇~嘩..........d珊瑚勁多,跟住仲要見到海參><"好憎海參呀~~個陣個度d工作員話"架船行緊個陣,d"波離"係冇理睇架~係見到好多浪,會令人想嘔,所以你地唔好望個度喇,望下出面既風景,或者如果你隔離位既係令仔令女都可以望下佢~"跟住蕭sir即刻話"令仔係呢度~~(佢講緊自己><")"跟住個工作人員又話"令女係呢度....(又係講緊自己><")勁想死~~睇完d珊瑚,再去個中心休息下咁,休息完就攞野走人,搭車個陣,我同婷訓到勁high(梗係啦.....琴晚我兩點幾先訓呀~)我地訓到到左學校先醒!!有d暈暈地添~~~

今日天晴呀!!好采冇落雨既,如果唔係珊瑚又冇得睇,腳都冇得浸呀!!哈哈^^

2點幾番到屋企,冇人係屋企~跟住睇下哥哥有冇幫我買燒鴨飯先~冇=.="佢琴晚又話幫我買埋,搞到人地頭先徐慧娟叫我同佢去食飯我同佢講屋企有野食=.="勁肚餓喎又,唯有煮公仔面,x粒蛋黎食啦.........都好正呀!!(梗係啦.....肚餓個陣食咩都咁好味!)