☺Bab1`be Happiiiiii;]

點解我話我黑仔，因為所有唔好嘅事都降臨喺我身上

今日發生好多事，彭子麒單野唔講

石老師叫常識科出去攞功課個陣

馮景峰即刻話：你攞啦!!

之後我個樣就好唔願意咁行出去，我行到去出面

佢又話：唉∼我攞喇！！你番埋去啦

我係想攞，但既然佢都咁想，就比佢攞啦（好奸）

之後有件事阻止唔到，我都唔講喇∼

到左放學前一堂，又係常識堂(好悶呢)

落堂嗰陣黃老師叫常識科科長幫佢攞野

之後老師叫左我

我話：又係我，我前日咪幫你攞左囉∼你又話一人一次。

之後老師就叫馮景峰啦，佢竟然話：又係我，我今日攞左喇喎！

最後，黃老師就叫我喇!!!!唉∼

放學嗰陣，我去買餅啦

但佢地又喺度喎∼

我比錢嗰陣，個收錢佬話：比錢呀，靚女！

呢個時候，我已經覺得死喇！！！

我嘅直覺好準架∼

果然，班男仔話：嘩，佢咁都叫靚女呀！！

我真係想叫佢地食屎囉！！！（太粗俗，唔好意思）

聽日番學都唔知點面對佢地

希望聽日唔好咁黑仔∼