今朝一起身覺得天旋地轉，咪去探熱囉，點知有點兒燒．不過答應o左Theresa佢地去跑步，加上今日要參觀科學館，所以又蒙勝勝咁番學喇∼點之好黑仔，離遠望見十號車車上緊客，於是氣衝衝飛奔過去囉．．．搞到我上到車係咁喘氣，個個帶著有色眼鏡盯住我，令我感到有點兒不知所措．．．

番到學校，同Theresa、Rainbow等人去跑步，始終得不了樺樺．．．今日d堂好鬼悶呀，不過由地理堂開始就精神起來．雖然c sir份人好乞人憎，不過我好中意上科學堂，可能因為可以輕鬆d喇∼

到o左食飯時間，我同Theresa連同樺樺去買野食，今日樺樺食薯蓉呀∼我食o左第一口就覺得勁難繼續食，所以就索性唔食喇．．．之後排隊上車去科學館喇，我同樺樺、Wincy、Theresa等人兄一齊坐．班長派o左張工作紙，一向懶到出汁的我，當然做唔到喇，不過我身邊果d就絕對有能力做好喇∼嘻嘻＄．＄

放學喇，我同樺樺同Wincy一齊做功課．話咁快就五點喇，大家都係時候歸家去喇∼樺樺、Rainbow、魚、孔long long同silkie(排名不分先後＝．＝”)一齊在回家的路上行走．．．

番到居企就同細佬爭電腦用喇．可憐的我輸o左，不過最後都搶番∼上MSN，到七點幾都不見樺樺的蹤影，唯有『等』吧．．．