今日10:00俾阿媽炒醒，落去食早餐。無特別野發生。講下同番茄坐，而無好野既事：

1)第一次見到(佢)係9月1日，(佢)坐我隔離既前面。要整個書卡，但(佢)同我前面O個個搞張書卡，搞到殘哂。

2)第二次調位，(佢)坐我後面，(佢)[蚊]我啲頭髮，整啲紙碎落我道，頂(佢)囉﹗

3)第三次調位，(佢)坐我前面，都唔知Mｉｓｓ　Ｆｕｎｇ點調位，呢次仲衰，俾兩條友仔撻野。

4)(佢)用圓規針我，仲話驚我話訓導主任聽喎﹗(我都唔係咁小器既人)

5)同(佢)去比賽O個日朝頭早就喉嚨痛，搭的士去，距離無10cm，(6)番到屋企就發燒，(7)跟住仲有大件事發生。So  Bad!!

8)倒啲粉筆碎落番茄個頭道，(佢)話訓導主任見到單野，問番(佢)地喎﹗分明係玩我地啦﹗
坐(佢)附近就係咁死法，對咗(佢)都有124日，死未﹗成班都無好似我地咁有緣，但我覺得咁樣唔好，有啲距離會好啲……

而家考統測，我唔想分心，所以我而家當(佢)係一個數學既競爭對手，希望可以勁過(佢)﹗