1. 唔准同任何15歲以上 35歲以下無血緣關係既女性單獨外出或者傾超過5 分鐘電話。
2. 我'meet'你既時候你唔准縮。
3. 我唔會check你既來電顯示，但係你最好唔好俾我聽到你同不明來歷既女人講電話。
4. 你個電話裡面只可以有兩個女人既相，你媽媽同我。
5. 我明白每個人都有過去，你會有舊情人既相呀信呀禮物呀，但係唔好 o係我面前飄揚，有咩爛左唔好怪我。
6. 我鍾意收情信，但係好憎見到錯別字。
7. 每日起碼要打一次電話俾我，因為我會掛心你。
8. 你要俾我知你去左邊，我唔係要check你行蹤，只係如果新聞話有三名行山人士失蹤，我要知道係唔係你。
9. 我地未必可以一生一世，但希望你同我一齊既時候，每一刻都對我認真。
10. 你心裡面諗d咩，一定要同我講，因為我好蠢，你唔同我直接講我唔會知道。
11. 我去dating你叫我玩得開心d既話，我會以為你唔愛我唔緊張我唔想要我。
12. 我希望你會記得一切既大時大節生日同紀念日，我唔會提，亦會扮大方，但唔代表我想你失憶。
13. 唔准對我講大話。
14. 唔准一腳踏兩船 (或以上 )。
15. 出街一定要拖實我，因為我會蕩失路。
16. 如果我遲到，都只係因為我想著靚 d見你，所以你唔好鬧我。
17. 你最好唔好有一堆女性朋友同契妹之類既不明物體o係身邊，否則我會大你三十萬用行動證明俾你睇我都有一籮男性朋友同契哥加uncle 。
18. 我係一個會講粗口既淑女，你最好忍耐一下。
19. 我唔會問你我靚唔靚 (因為我知道我唔靚)，你最好諗定第二樣 o黎讚我。
20. 我知道你冇可能每秒鐘都掛住我，但係如果你全日都冇諗起我，我會好驚。
21. 如果你郁手打我，我一定會走。
22. 記得要多d同我既父母 social，因為我同佢地關係唔好，靠你去修補。
23. Shopping 時可以分道揚鑣，但係你唔好又要企我隔離又要黑面。
24. 我好樂意同你行你鍾意既舖頭，你唔需要怕我悶，我會自得其樂。
25. 行入7仔我只會買 3 種飲品：柑桔檸檬、參蜜同 萍果綠茶。
26. 唔好批評我既 好 朋友，因為我同佢地共過患難，唔係酒肉朋友。
27. 我喊既時候，你一定要 ' 氹 '我，因為我只會o係好傷心好傷心既時候先喊。
28. 你打機既時候，我會自己搵野做，你唔需要擔心，最好你教我打埋一份。
29. 你最好有一首只係屬於我既電話鈴聲。
30. 如果你冇開口講，我都為你去改變，代表我真心鍾意你，請你珍惜我。
31. 當你睇波既時候，我會問你「咩係12碼」等低 B問題，你唔好嫌我煩，因為我真係有興趣，但從來冇人教過我。
32. 我會希望你將我介紹俾你既朋友識。
33. 因為我有一d 唔係太開心既過去，對人好冇安全感。所以請你用用行動話俾我知你對我係認真既，你唔係玩玩下。
34. 你先要努力讀書，然後盡量抽時間陪我。
35. 你唔需要係有錢仔，但係要有上進心，想出人頭地。
36. 你一定要有自己既理想。
37. 我唔會問你「我今日有咩唔同」，你唔需要每次見我都恐慌性將我由頭到腳 scan一次。
38. 我想睇日出。
39. 我有寫 blog既習慣，如果你發現o個篇係講你既，你最好俾 d反應我。
40. 我知道我好刁蠻任性。
41. 我發脾氣cut你線，你唔好即時又打電話俾我， send SMS得架啦。
42. 絕對唔可以check我既 ICQ 、MSN同 SMS。
43. 你煮飯俾我食，就算只係一碗餐蛋麵，我都會開心過食 Rougie 鵝肝。
44. 我同你講野既時候自不然會嗲聲嗲氣，我都冇辦法架。
45. 我好有興趣知你既戀愛史，最好由頭到尾同我講一次。
46. 因為愛你，我會珍惜自己，要自己身體健康，叫自己開開心心，你都係。
47. 我最憎人唔信我。
48. 如果你愛我，你唔會捨得要我傷心。
49. 男朋友既功用係對女朋友好，女朋友既功用係對男朋友好。
50. 我希望你間唔中都會俾比 d小驚喜我，係「小驚喜」，唔係「大驚喜」。
51. 你講過，而我又應承過既，我一定會做。例如：你唔 o係我身邊我就要凌晨1點前返到屋企。
52. 唔好熄電話，萬一半夜我要去急症室我會想你陪我。
53. 我最鍾意既花係 勿忘我，最鍾意既顏色係紫色。
54. 如果有人追你，記得同我講，我會用掃把掃走佢。
55. 好遺憾我冇機會細細個就識得你，所以宜家請你俾多d時間我，俾機會我去了解你。
56. 我既工作或者比唔上你既重要，但我都希望你會尊重我既工作。
57. 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。
58. 你要記得間中同我講「 I love you」，否則我會以為你唔再愛我。
59. 其實，我明白這些戒條有點吹毛求疪有點不設實際有點妙想天開。我只想你知道，在寫這些戒條的時間內，每一秒鐘，也在牽掛你.
你可以做到嗎
好喇打下今日d野先.....今日好早就起左身呀....
冇野做.....同老公傾計計
唔知發左乜野神經走去睇e貓....見度個論壇
我都唔記得自己幾時伸請ge...上左去玩...
去睇d圖....
好多bb呀....我整左d落呢度好得意呀...
我最鍾意bb同老公仔嫁喇....
kaka
|
