17/1

3星期的考試終於告一段落

好耐無3個一齊食lunch啦

記得以前好似成日都一齊食野&吹水,好優閒xd

自從課後有了補課,又唔係同一層上堂,無再好似以前咁放學撞到就去食甜品

但有d改變係難免有既

其實我覺得3個性格幾唔同既人走埋一齊都幾得意,唔覺唔覺都識左幾耐=p

之後去了大埔逛街,好似無之前咁多野睇,吉之島已經變左一田-v-

餅店姐姐好好人,我地路過都俾cheese cake俾我地試食=]

18/1

為了湯偉奇個典禮,無奈地番學校聽briefing -v-

與上年一樣都係miss so負責~

係俾佢教之前就聽好多人講miss so好好人,而家就更加覺得係^^

雖然當年無點了解就揀左呢科,甚至買左書先知係讀現代史- -"

但係我真係無揀錯科

haha,雖然有時上堂會睏(事實係成班都會),但上history好relax

記得miss so聽完老兵憶述係南京大屠殺既經歷時用上堂既時間同我地分享

佢講左句身為修歷史的學生,至少要比其他人有歷史感

我愈來愈發覺歷史唔係印在書上的一行行文字,每次的事件都為日後帶來一定程度的影響

沒有前者,便沒有後者

錯了,是應該下定決心去承認,而不是設法隱瞞事實

19/1

當湯偉奇頒獎典禮係份優差,連續2年都唔洗做觀禮生=D

特地回來拍手好慘,咁拍法有必要嗎?

典禮正式開始,就到我地可以take rest去食home e club整既野=P

so yummy:)

完了典禮,補送林優的生日禮物=)

呢個傳統幾好~~

21/1-25/1

回鄉探親

幾年無番去,今年無得唔番-.-

雖然叔叔搬左去間又大又靚既屋,但係都係唔鍾意番去住

係大陸既日子過得好無意義,成日係到睇電視消磨時間

大陸d廣告比香港果d誇張好多,廣告時間好長- -

最重要既一點係親戚個個都講客家話

佢講幾句,我先聽得明幾個字

得幾個講廣東話流長d,大部分唔點講普通話-_-

住係香港太幸福,番到去住唔慣

平時係到沖涼,d水你要幾熱就幾熱

番到去就唔同講法,而家大陸既熱水供應好多好似個存水器咁

最初可以熱到燙傷隻手,但愈用就愈凍,用完熱水就真係用完,要等好耐d水先會變番熱

於是第一晚好傻咁夜晚9點幾先去沖

結果d水用手摸係少少暖既,沖落個身係凍既,仲要果日好凍@@

但我又見到塊鏡係朦朦地既,so odd

成家除左我阿哥外,都覺得d水好凍

之後幾日見水仲熱,就好早去沖涼

個toilet design係無浴缸/企缸的,直接就係地下有個排水位

一沖完涼,地下好濕,好易p..

我明白咩叫步步為營=v=

有日去了看所謂的5D電影

15蚊人仔帶俾我地既係幾分鐘的短片,唔係電影

其實都幾搞笑,坐係個位到戴住副3d眼鏡睇"瘋狂過山車"

名副其實,就係模擬你坐緊過山車,個位仲會左右搖,衝落去果下仲有風

有晚就去左伯伯果邊食飯,幾家人成20個人一齊食,坐滿客廳,飯廳,好熱鬧

有樣好想投訴既係連續幾日吸二手煙好難頂,佢地幾乎煙不離手-_-

有好多親戚都因為政府發展,要拆舊屋而得到一大筆賠償,個個都起新屋住

如果得一個人係屋企,住幾層高既屋好恐怖,打掃又煩._.

雖然間屋好大,但都係自己屋企最舒服=]

26/1

番大陸之前唔記得左續借圖書館既書,普通書都唔緊要,係hist. project的reference..

無奈地要去影印,成幾十蚊-3-

影完撞到miss ng,佢見我捧住咁多野以為我放假咁乖溫書,只能說是美麗的誤會._.

但我真係又帶去大陸睇- -

then去圖書館還書同交罰款

新年好似少了人去圖書館

係圖書館睇左2本小說,又借了幾本林詠琛幾書走,so nice:)

之後去左商務買野,多得JPC張書卷,我只付了$1.5 =D

一個人鍾意呆幾耐就幾耐,so free~~

BTW有人睇過steve jobs自傳嗎?好唔好睇?

本身想買,但商務封住無得攞泥睇下

英文版3百幾蚊,簡體字版都要成200幾,好貴-3-