5日既假期咁就已經完左啦...

回想起當日係偉邦走左之後, 再立即到灣仔返工, 中間都無休息過...

係灣仔個到個9日, 我真係過得好自由, 日日所做既野可以講得一句連阿毛都識早, 根本就唔需要d咩條件, 但係我都好開心, 可以俾到個機會我輕鬆一下...

係呢5日裡面, cecilia 都已經決定要走, 佢都係做埋今個禮拜呀, 我最初仲以為我會同佢係同一日開始返新工, 但原來唔係呀.... 由此至終我都係做過佢...

呢5日我覺得我好似係虛渡左咁, 回想返我係呢幾日做過d咩, 我竟然係講唔出呀!!! 你話我失敗唔失敗呀!!!

黑夜又一次的來臨, 代表左返新工的日子又接近左一日...

我真的很害怕返新工呀... 潘小姐佢真係好串呀!!!

聽日我就要返啦....

真係好想個5日我曾好好地用過呀..... 

今日同左阿妹去行街街, 佢忽然間問我係唔係拍緊拍拖, 我真係好想知點解佢地會咁想....

同d friend 出去食飯行街，佢地就以為我拍緊拖．．．　

咁我諗我以後都唔會再有朋友啦，大佬！！！　

邊有人會諗唔返屋企食飯就等於拍拖，咁如果我遲ｄ去旅行，咪即係等於預早渡蜜月，屎得啦．．．　

最近好似好多人都好關心我到底拍拖咪，係咁不如大家就介紹ｄ仔俾我識下啦，唔好成日問我啦！！

我既要求有以下幾點：　

1. 要識得用腦
2. 要鍾意湊女
3. 要識煮幾味
4. 要係孝順仔
5. 唔可以結過婚
6. 唔可以有仔女
7. 最好唔係肥人
8. 唔准飲酒食煙搞女人
9. 唔可以大過我超過４年
10. 我唔要係人地既２ｎｄ　ｃｈｏｏｓｅ

我諗我既要求唔係好高傘，係唔係？如果有，就請介紹一下，另外唔好再問我有無／係唔係拍緊拖啦　∼∼∼

謝謝各位!!!