今朝未夠鐘起身,俾人打電話嚟嘈醒左!!~

嘈醒我GE人係唔會有好下場嫁.......

一聽個電話,第一句就係話:

我:喂!邊個啊!嘈著我訓覺啊!依家幾點啊!你唔訓我都要訓啦!!

XXX:係你牙!你啊媽個電話又飛左條線去你度牙?

我:仲要問?依家邊個聽電話啊!!

XXX:哦!!下次見到我打嚟就唔洗聽啦!!收我線得喇!!

我:訓緊覺啊!!鬼知邊個打嚟咩!!好好地訓覺又俾你嘈醒.....

XXX:唔好意思啊!!唔阻你訓覺喇!BYE BYE!~

同佢講完電話之後無咁眼訓,仲有D啦!!

講左咁多野,都變得好清醒!!

睇吓幾點:5點半!!

玩野咩!!訓番又訓得15MINS!!唔訓又無野做!!好衰啊!!

最終都係起左身,將平時做GE野拖到好慢!!

慢條斯理出門口.......

搭車個陣竟然有位坐,極之無聊,

坐坐吓訓著左........去到沙田個陣醒左!!

時間啱啱好啊!!攞野準備落車....

番到課室開頭都無咩野,無幾耐有"戲"睇:

陳婉姍大戰李展航~~

兩個鬥攞人地D野!!~

無幾耐,輪到我同李沛翹開戰......

佢拋左個筆袋過來,好痛丫MA!~

咪打番佢LO~之後就打嚟打去,

有一下佢成疊書打過來,打中左,

依一下俾佢打到有D暈暈地.......

即刻坐低左,無打番佢!

小息個陣FIONA同我係度研究D數,

研究完佢放番本書返埋位,佢用本書打左REX一下,

之後REX諗都唔諗就攞本書打我!!~

佢仲想打,就同FIONA走去女廁避難~

行番出嚟,一去到課室門口又俾佢打!~

頂丫!!~嬲到爆燈啊!!攞左本NEE同MATHS書同佢開戰...

打完之後無幾耐佢啤著我,話我整損左佢隻手!~

真係WO~唔知點好,行開左,去左WINTY個位...

之後聽到佢講左D我勁唔鐘意GE野,

不過整損左佢隻手,費事鬧佢啦!!

其實我覺得好內疚嫁,不過對佢講唔出"SORRY"!~

突然間覺得佢好似我一個小學同學:

玩個陣唔驚佢,佢嬲個陣個眼神好恐怖,搞到我好驚!!~

聽日盡可能都唔開戰喇,

聽日測IS 同 LS啊!!~

仲邊有心情同佢玩丫,有時間都溫書啦....

講吓今日UT!!~

份英文卷好易,得一題唔識咋!!~

數學就第一頁有一題唔識,

好彩係選擇題,於是撞左一個我認為啱GE答案~

聽日測IS同LS,簡直慘不忍睹!!~

今晚真係唔洗訓喇..........