今日7:30俾人叫左起身,

要帶個妹番學校練舞WO..

唔制啊!!>< 好攰...

跟住番到屋企又開電腦玩喇~

上MSN,去人地D BLOG~

見到盧弘杰係我個BLOG度留左個言~

又係佢個BLOG度回左我個留言~

即時好興啊.......講到好慘咁..

又唔諗下自己做過D咩..

回完之後又係時候去接個妹放學喇~

去到見到啊爸WO~

佢話:"我都唔聽你電話,你仲嚟做咩啊!!"

之後又俾人鬧...

又係你叫我接佢,又要鬧,想點啊??

跟住一路行一路諗下屋企,又諗下學校~

一D都唔開心~

屋企成日無端端俾人鬧,

學校又成日同人嗌交~

諗諗下有D眼濕濕~好想喊啊!!

就嚟頂唔順喇!!好辛苦啊!!

自從上左中學之後,個人都變得好灰...

去火車站食飯~跟住就番屋企喇..

又玩電腦LU~

無野做..好無聊!!

玩玩下又係度諗:

今次會唔會太過份??

結果係:唔會!!係佢自己攞嚟GE,係佢搞成我咁嫁!!

今日好唔開心啊~

1)見到佢篇BLOG&留言~

2)無得番教會啊~考左試咁耐無番咁耐~

   好掛住D同學,又無得同佢地訴苦喇!!

55...今日篇BLOG都7788喇~

好曳曳啊我~~無吊住隻手!!

自從媽咪尋日話俾我抖下,

尋晚唔洗吊住,到依家都無再吊LU~

仲打字TIM~所以今日都唔算打得慢喇!!

不過都有個好消息啊:

我彈到琴啊!!一唔洗吊住就去彈LU~

都彈到嫁!!係隻左手唔太快同埋隻尾指有DD痛囉~

下一個目標:

要啊媽俾我星期二學番琴!!

唔知成唔成功呢...

好喇!!大功告成!!