眼訓狀況中…but我依然都係要打埋個日記先訓（（

岩岩搞掂左大約４分３左加既ｐｐｔ．星期五前交，今日放學果時見到劉ｓｉｒ佢話要做一次ｐｒｅｓｅｎｔ俾佢睇／／

都係打算星期五做埋俾佢睇囉！

聽日就冇可能架喇，因為一黎ｐｐｔ未整好，二黎我地都未練過！

惟有聽日小息捉住佢地黎練啦！

今次希望入到三甲啦！入唔到就太可惜喇！

今日做中文ｔｓａ，好無聊！

作文果度唔限體栽唔限字數，７５分鐘，我作完仲有半個鐘淨低＝﹏＝”

要作一封請假信，咁大個女都未寫過＞＿＜”作左幾十隻字仔咋！

之後長文題目叫「清晨」，諗起音樂書入面果首歌，

好無聊既題目囉！我寧願作「複製人」呀！作呢ｄ會好玩ｄ！

之後考視聽唔知乜乜同埋聆聽，超無聊囉又係！

再之後考閱讀，１５分鐘都唔駛已經做完喇！

娟話我做果份卷應該係最難果份喎＊

丘話睇唔明篇文言文，我一向文言文都唔掂架，唔駛指意我睇得明！

我係唔知篇抒情文抒乜鬼情囉！好憎出抒情文，成日都睇唔明佢抒乜東東既！

冇辦法啦！我呢ｄ冷血既人睇唔明ｆｅｅｌ唔出都好正常丫！

係ｈａｌｌ度考，冷氣凍到我傻，我聽日一定會帶定冷衫架喇＃

淨低咁多時間本黎可以訓覺架，但太凍凍到我訓唔到囉！

估唔到ｔｓａ　ｄ卷真係唔難架喎！

比我想像中易好多囉！

聽日考英文呀，唔知係咪都係咁易呢！？

仲要考埋ｍａｔｈｓ＃我討厭既ｍａｔｈｓ！

今日ｄａｄｙ知道我ｍａｔｈｓ肥左之後又係度問我做乜唔去補數喇！

我講左句！「暑假咪補囉！聽日去報名呀！」

佢冇野講＝　＝”

暑假去補學定ｆ４會教既野先，咁我諗ｆ４果時再聽應該會明ｄ卦！

聽日放學之後就去英皇補囉！

Ｂｅｎ都話補，可能同佢報埋同一班卦＃

Ａｍｙ話報晒英文同ｍａｔｈｓ覺得好貴，所以淨係報左英文＃

我都報左英文啦！唔係報英皇姐！咁都好既，可以比較下，睇下邊間教得好ｄ，咁開學果時再決定補邊間囉！

其實某程度上覺得補習好晒錢，但係唔補又唔得喎，唔補搵鬼教我！？

姑姐話會考ｍａｔｈｓ最少都要拎ｃ呀•＿•

我同佢講我ｍａｔｈｓ肥左，佢都係話唔補唔得，仲問我升唔升到原校。﹏•”

我果間又唔係咩名校，我都升唔到既話就大把人死晒架喇＃

真係唔明點解香港ｄ教育制度咁鬼死煩架！

冇壓力都變有壓力啦！

今日放學番到將軍澳，本黎諗住行ｂ出口經過將中間ｍ記買ｄ野食再番屋企，

點知呢…大雨都乜咁，惟有行番去ａ出口（（

經過商場果時見到阿珊，不過佢揮左好耐手我先見到佢＞＿＜”

果時發緊夢…

番到屋企，對鞋同襪同濕晒，拿拿林拎本書落去俾娟＊

佢地１２點就放，真係正！

同娟提起某東東，

原來我唔駛咁嬲架！

我嬲有乜用！？

我嬲果時人地係度風流快活呀，我嬲黎做乜？

咁我咪蝕晒俾佢囉！

哼！

都唔明呢ｄ咩人黎架！

心理變態！

今次我先唔會讓步呀！

唔搵番我講番句ｓｏｒｒｙ我都唔會搵你囉！