呼，真係暫時鬆左一口氣呀！

考左成個星期，依家考試淨低３日！仲有ｅｐａ，ｒｅａｄｅｒ，ｃｐｌ，ｂｉｏ＆ｍａｔｈｓ　ｍｃ未考（（

ｅｐａ同ｂｉｏ應該會溫得幾辛苦，又係爆多範圍…

唔係，其實應該係講冇範圍，因為教過既野全部都要考•﹏•”

考左成個星期，咁多科，冇一科有信心，因為冇一科完全地溫晒書，科科都溫唔熟＊今次聽天由命喇…

今日係ｐｈｙｓｉｃｓ同埋中史，

尋晚放棄左中史，冇背過，淨係睇／／

今朝終於記左５４運動同埋抗日戰爭…

真是去它的　＝＝”　我溫左果ｄ佢唔出，冇溫果ｄ又出，

竟然問西安事變既背景／／　出卷果個人一定係發燒…

好彩出年唔駛再讀中史，唔係既話，我真係死俾佢睇都得喇（（

ｐｈｙｓｉｃｓ仍然係好多唔識，

由於尋日掛住研究光果課，冇乜點睇其他，

同埋光果課我尋日睇既係中文版，所以．．唔識做英文卷　＞＿＜

不過ｆｅｅｌ到ｐｈｙｓｃｉｓ今次既成績應該同對上幾次冇乜大分別，

我次次都係差唔多咁上下架啦，合格多少少咁（（

係ｓｉｍｏｎ果ｄ變態先拎到８字頭架姐＃

今晚終於可以有覺好訓，聽日唔駛咁早起身ｌｕ（（爽呀！

今晚可以睇耐ｄ電視都唔驚喇！

發覺依家做緊果套男人之苦幾好睇，好好笑〔〔ｋａｋａ*

呢排，終於冇咁成日想玩電腦喇！

不過反而迷上睇電視，

我ｄ娛樂就係咁膚淺架喇＃

想搵ｄ時間睇書，不過其他野咁大誘惑，遲ｄ應該又好多野搞，所以可能到暑假先得閒睇書喇（（

未考完試我已經係度諗試後活動ｄ野喇＃

但愈諗愈覺煩，都唔明ｗｈｙ年年都咁多比賽，真係冇野搵野黎搞囉！

ｐｒｏｊｅｃｔ，班舞，音樂劇．．　＝．＝　好灰呀，咁多野＃

仲有．．考完試之後應該就要揀科架喇…

我對自己有信心，實揀到自己想入果班，

雖然我講到自己ｄ成績好不堪，但事實上，除非有極多人冇啦啦進步得好勁，ｏｒ我退步既程度大到冇人信啦，

如果唔係既話…我上年既成績係全級都有廿名之內，咁計我點都冇可能揀唔到自己想入果班（（

某程度上…我雖然話唔想俾人睇死，但始終冇咁既能耐，堅持唔到，

所以，我今次又係半放棄狀態喇！

真係好想可以好似ｄ人咁勤成日攬住本書唔放，狂背囉！

雖然ｄ份唔係要你背晒書ｄ野，都有野要你自己諗，

但係，冇果ｄ書入面既野去ｓｕｐｐｏｒｔ你自己，係唔會識做架囉！

好似西安事變咁，佢個背景你係唔記得就唔記得架啦，冇得作出黎架嘛＊

真係要好好檢討自己依家既讀書方法…

可能真係成日上堂訓覺搞到溫書果時好多野都要自己睇，溫得比較辛苦（（

對於ｄ自己冇興趣既野聽唔入腦，眼訓都話正常，問題係ｖａ堂我都訓得著…

個問題就係我好難集中聽書，太鍾意訓喇．．

真係想搵ｄ方法去改善下，

不過又唔知應該點做喎…

無論果晚早訓定夜訓定朝一上ｄ悶堂就一定訓著既，

我諗ｄ老師應該唔係見唔到，

但係見我ｄ成績唔係特別差，平時又唔係曳先冇特別話我，

但咁落去真係會有好大問題架喎，

ｆ．４仲係咁既話咪死待人多囉！

有冇人可以話俾我聽我應該點做！？