05年,開咗個日記,多多指教~

可惜唔多lucky,3/1下午入training camp,晚上就入咗醫院,打波跌斷左手.....

人生第一次坐白車!

救護員叔叔要填from,對答係中文,但佢寫英文,勁~~問完姓名,地址,出生日期之後,佢望住我問:性別係....女呢架呵?  當然了......隔鄰的洪俊在笑........可惡.......

到急症室,救護員叔叔向護士形容我為一個為两分而跌斷手的人,然後護士一邊替我可惜,一邊説:而家啲女仔咁鐘意踢足球架咩? 我極力保持微笑.......

醫生話我左手骨折呀,要入院,佢為咗緩和氣氛,親切的問:From幾呀?不可愛的我答到:大一.她的雙眼訴說着驚訝,我懷疑口罩下的是一個o咀.

晚上十二點幾,要拉直隻手,見到骨科醫生同石膏師傅,好緊張tim~

黐線架!!! 勁痛呀!!!!  两個人拼命拉直我隻手,然後向左拗!!!! 超癲!!! 慘叫呀我!!!!  仲要打石膏打到上臂~做咩架~

被折磨完而又近乎虛脫的我,被石膏師傅及好心嬸嬸讚我叻,無喊~~仲可以笑~~然後佢哋問:妹妹幾歲呀? 不可愛的我答到:20. 慘叫呀佢哋!!! 不斷重複叫住:乜你廿歲架啦?唔似喎!個樣咁細! 唉,被重撃.......

之後手手好痛,成晚瞓唔着,望住個鐘等天光.......

在此多謝阿燕,Emily,洪俊的相助~