堂大哥結婚,要回鄉,但我感到我們家出現時,有被鄙視o既感覺.....錯覺嗎?
中午時,親朋戚友去咗酒樓食飯,我心諗"咁同擺酒有乜分別,都係一餐飯....."之後去咗另一間酒樓,等飲夜晚嗰餐,時間係下午三點幾....諗住睇吓人哋打牌,哇!百幾呎o既房入面充滿濃郁o既"香"煙味,加上冇開冷氣,正宗煙薰,焗到不得了,立即撤退,都唔明啲人點解會頂 得順,卒之我呆坐至夜晚七點半開席....
原來大陸興六時入席,七時開席,而且上菜速度快香港好多,一次過上四,五道菜.waiter亦唔會serve你,喺高速下,呢場飲宴喺九點前已經上紅豆沙......值得一提o既係個主持,講嘢懶好笑,擺明次次講埋同一段對白
"撼"嗰陣,同細佬密密斟,自從住Hall後,好耐冇試過啦,今次仲要係摸住酒杯底tim呀,係溝淡咗o既紅酒,不過我細佬得17歲喳.....呵呵,我係邪惡家姐呀!之前一直懷疑細佬拍緊拖,原來係暗戀喳,但係我估中係邊個女仔~女性o既直覺話我知個女仔都鐘意我細佬,只係等機會,又係啲無線垃圾婆媽劇橋段......Baby,你唔好真係"望住佢離開"呀~
飲吓飲吓,两人仲憧憬美好o既未來,細佬竟然想養起成頭家,包括我呀!等我哋個個都唔洗做~~又話買層姑婆屋過我~~我話自己冇理由咁懶o既,叫佢做咗Figure Designer後,開間專賣店過我打骰,做少少嘢但勁高人工,哈哈~~~Baby~我一定會叫你老婆做"弟婦~", "邪惡家姐"並非浪得虛名~
"撼"完就返香港lu
分類: 未分類 |
