發覺唔見咗兩個鞋盒,心知不妙.......

問問Daddy~~~它們的去向,不出所料----Daddy~~吼我喺hall嗰陣掉咗佢哋!!!!!Daddy~~~話見佢哋爛咗就掉,我即刻有怨言呀,問佢我對籃球鞋以後擺邊,佢反問我"咩籃球鞋呀?"我就話其中一個鞋盒係放籃球鞋,佢先醒起我有對籃球鞋,死撐話"你番嚟自然有位擺",我真係嬲喇,全家都知鞋櫃已經被媽媽啲鞋佔據哂,我同細佬啲鞋都淨係可以擺喺廰,個鞋盒就係用嚟收好我對鞋,Daddy~~唔係唔知架喎,佢問都唔問就掉咗個鞋盒,仲唔話俾我知,最唔開心嘅係佢寧願掉我嗰兩個NIKE鞋盒都唔掉細佬嗰個不知名皮鞋嘅鞋盒!!!!!Daddy~~話我嗰兩個鞋盒爛咗,實情係籃球鞋嗰個有啲舊,Dunk Low嗰個keep得好好,我唔認為佢哋要遭受拋棄嘅命運囉

掉咗Dunk Low嗰個我可以忍,但係籃球鞋嗰個我就好心痛喇,它是我第一對籃球鞋嘅鞋盒!!我打算買過對新籃球鞋之後,就將舊嗰對安放好,而家咩都冇喇,鳴鳴.........全靠個鞋盒,我先知我對籃球鞋嘅全名,而家佢走咗,我就再唔知對鞋叫乜名啦,鳴鳴.........