鼠年出生o既人今年係咪犯太歲呢?我覺得自己有o的運滯

上回講到王子詢問物理治療師點解手腕唔可轉多o的,但得唔到明確o既答覆,令王子感到有暗湧,今日覆診,真相大白,哀嘆現實是殘酷的......

性格似乎相當樂天開朗,富幽默感而又關心病人感受的中年發福,頭髮濃密的男性骨科醫生用了公立醫院保貴的十多分鐘解釋,謎底終於解開喇:

佢睇完我o的X-Ray,同我做o左簡單o既檢查,就走o左去另一間房同人商量,之後佢面帶笑容同我講我o既手腕骨好似頂帽咁蓋住o左手臂骨,令到我o既手腕轉到某一個位就卡住o左,我同佢一齊睇X-Ray,自己都清楚見到個關節慢慢加闊緊,聽完一堂bio後,已預計到將會收到o既消息,佢好得體咁話"你隻手o既功能回復得唔係咁理想............(下刪十幾句)最好做手術"

我反問佢:"如果唔做手術,我隻手係咪永遠都係咁?" 佢問我以後係咪仲想打籃球,想o既話就一定要做,佢仲好幽默咁話:"你隻手依家咁樣,乞食都成問題呀,人o地俾錢你都拎唔到"我就答:"係呀~~而家人o地找錢俾我,我都拎唔隱架~~"佢又繪形繪聲咁話點"鋸"我隻手,雙方全程笑聲相伴,會診的氣氛相當輕鬆

但現實不太輕鬆,身為完美主義者的我,要在手腕上加一道手術疤痕,難色有點傷感........醫生話手術後半年會康復,半信半疑.......

仲未諗到點開口同爸媽講........