呢幾日好忙咁,都無時間update,我一次過講呢幾日發生啲咩事啦。
星期四,要睇埋最後一次嘅電影,幾唔想去架,勁想練波,咁睇完就嗱嗱臨走,俾個Dr.話一句「睇戲唔係重點,討論先係重點。」咁我要練波夠係重點啦。
遲咗一個鐘練波,好少人呀,點解會咁嘅,男仔同女仔都係。一個form唔使走N次呀?走咁多次都係搞唔清走咩位......
星期五,一個人上文概,那個怪女孩坐在我的身邊......orz傾present,那個hea男遲到,而且都仲係冇睇readings囉,想點呀,pk!求其搵嘢hea都唔搵,我黑面黑得你唔啱呀?勁想叫佢自己一個人做!
星期六,打比賽之前攞波衫,四個人迫喺後座,哈哈。第一場大專盃,對IED,我哋今日都係多turnover,真係好多,平時練波大家忽視嘅嘢,今日自己食番惡果,希望大家真係明白練習嘅重要,唔好再輕視任何一個環節喇,「識」唔等如識做,識做唔等如做得啱,做得啱唔得如做得好。我哋今日攻唔到呀,不過守得到,呢個係值得鼓舞嘅;不過大家真係要孭位呀,俾人勁攞rebound怒射,唔入都射到入啦。
我呀,唔得咗,我聽唔到達sir講要mark死對方13號,俾佢走甩咗......我真係聽唔到呀。達sir喺bench度同我講咗一句說話。
之後食飯,大家係好開胃喎,我,oli,panny同村姑都食哂啲飯呀,同Julius and Forrest傾偈,佢哋幾搞笑架。
原來我諗延長個人八達通呀,搞到今日出旺角俾咗$6.8呀!!!超肉痛呀!!啱啱先增完值,又冇錢喇。
星期日,補習,俾隻貓襲擊呀!佢走過嚟伸出貓爪我條褲呀,我即刻嗌"No!"我條要錢買架。後來佢又抓多次......跟住撩佢玩,點知佢唔多老脾,咬我同抓我囉,好彩有古古送俾我條手帶擋住咋,如果唔係,就真係俾佢整兩個血洞喺左手喇。不過,貓仔始終可愛,我都係鐘意貓多啲~~
做present,爆咗呀,想點呀?正pk!hea忍到暈囉,淨係做solution,仲要得5個points咁大把,gerneral到暈,我唔介意我做埋呢part囉,咁你可唔可以get out of my group,自己做一個present呀?你好忍hea呀!
頭先睇xanga睇到啲嘢啦,其實我都好想簡單啲,唔使諗咁多,想講咩就講,我都想開心呀。好多時我都覺得好煩,點解會有咁多問題,樣樣嘢都要顧住,安撫到呢個,又有下一個問題出現,但係每個問題都解決唔到。咩都要諗,咩都要小心真係好辛苦。我想belibala講我想講嘅嘢,開我想開嘅玩笑,唔使驚咁講會唔會得罪某個人,會唔會嚇走某啲人。
其他人信唔信都好,宜家嘅我真係冇咩諗,淨係想做好啲,以往對邊啲人反感我已經唔記得,亦唔再反感,換過角度身份睇嘅嘢就會唔同。
每個人都對某啲人,某啲事,某段時間會有特別嘅感覺,唔係講出嚟就係對宜家嘅人唔好,因為就算唔講,人哋都會感覺到,呢啲personal feeling係事實,講出嚟都唔係壞事。就如我,我都唔會掩飾我喺嶺南係唔開心,大家都知我嘅歸宿係CHAOS。但係,我覺得時間仲未完結,或者可以有啲改變,希望係好嘅改變;就算唔變,只要唔變得更差,都唔見得宜家好差。
分類: 未分類 |
