比賽之前,先去補習。
我沒帶眼鏡,她的貓就不認得我了,要對我從新認識一番,大概記得我的氣味,發覺氣味跟樣貌不一樣,便相當困惑。
這個小女孩,果真有點小姐脾氣,平生最討厭別人大叫大嚷,她偏偏有此陋習。一有什麼不懂,或是不如意,就會大叫,聲如洪鐘得令人想對其動粗。今日,她因為工人將其房門鎖上而大發雷霆,向我吼叫:「我的房門給鎖上了,你還說不要緊!」我用了十多分鐘向她說教,我的撲克臉大派用場。
補習過後,便去Poly U打比賽,對Poly,是一場必輸的比賽,但我對自己都有要求。
今日球隊有啲波折,造就我嘅落場時間多咗,始料不及,真係豁出去怒打,我由第一節後段打到第四節中段先被換出,打咗超耐呀。
同陳雕鳳相遇,佢呢,真係用把口打波架......係唔係都「喂!」。有一球,佢用單擋走位,我補位閘佢,兩個撞到跌哂喺地,哨子聲響起,係佢進攻犯規,嗰下真係開心架,咪講笑。
大家打唔到達sir想要嘅進攻,防守都唔係好好,達sir話我哋打得好差。
我攞到個人喺大專盃嘅首個兩分~~
賽後檢討,Oli講咗一番說話,終於都講喇,的而且確,我哋有啲人係對自己冇要求同唔聽人講嘢架,我都講咗啲嘢啦,希望大家真係明同做啦。雖然大家都係唔聽我講嘢,大家就係掛住睇波;有嘢咪講囉,唔好一個人喺度笑,問你笑咩又唔講,咁樣會令人覺得你唔知想點囉。
打完波,同Oli食麥當當,傾咗好耐,有兩個幾鐘呀!!傾咗啲好private嘅嘢,我冇同team嘅人講過架,冇諗過會講架,但又好自然咁講咗喎,我哋爆咗條「太太Theory」出嚟;我又爆咗自己嘅身價只值「三十萬」~~wakakaka~~
返屋企嗰陣,遇到堅堅~~
分類: 未分類 |
