一早都起左身
不過都係遲到．．
去到上水岩岩夠鐘， 點完名就出發左
過左羅湖就搭旅遊巴去果間軍訓學校
問連ｓｉｒ幾耐車程就話半個鐘
點知架車行左成９個字之後， 我地見仲未到
就問個阿姐仲有幾耐到，佢就又話半個鐘．．
頂．．原來個司機都唔識路去，都唔知點做司機
一直係度兜圈，好似俾人賣豬仔咁，又塞車喎，黑人憎！
而我就一直同ｅ汶姐傾計，直到落車
果度都唔錯呀，幾好風景，見到操場有幾班細路練緊功
分配好床位就去左食飯，第１餐．．．竟然無野岩我食
食左兩粒燒賣，就同ｒｙａｎ睇住人地食
之後就去左排高矮拎軍服
吳信ｋｉｄ套衫又淺色，加上佢個新髮形，唔似犯人無人信
之後分配房位，我揀左門後果個上格位，一流方便
歐基就訓我下面，間房８個人訓既，就訓左９個人（因為全部自己班ｄ人）
換好軍服就去左活動，因為落雨所以換哂活動
點知就係室內十個人用兩塊板行路，我地齊心下得到第２名
之後去左參觀，完左就食晚飯（６點半）
由ｌｕｎｃｈ餓到而家
，好彩今餐ｄ菜都ｏｋ姐
飽飽之後去左睇片，大部份人已經赲到訓左
阿ｓｉｒ帶我地去左小食部買野食，買左個杯面
就同ｒｏｙ去６面之後帶返房食
好彩有得買杯面食，唔係實餓死
之後就返左宿舍到我地成班活動．．
同旭明（咬）手瓜，都唔好玩既（旭明讓我既）
今次玩２１點，又係我做大嬴家，嬴左成８０幾蚊
一直玩到３點幾，再叫醒基基打電氣龍，終於整到斬破刀啦
之後已經４點幾，就去左訓ｌｕ
諗諗諗，一直諗同一個問題．．．．．
