ZIT@'s SPACE
我手寫我心...寫我深情。
zit_a : 個人主頁 - 相簿 - 訂閱  [ QOOZA - 論壇 - 登入 ] 人氣：2059
«‹ April 2015 ›»
SMTWTFS
1234
567891011
12131415161718
19202122232425
2627282930
最新文章
•2007-11-29
•人生得意須盡歡
•2007-11-03
•2007-10-31
•2007-10-30
文章分類
•全部 (93)
訪客留言
最近三個月尚無任何留言
好友名單
2007 年 8 月 12 日  星期日   晴天


2007-08-12 分類: 未分類

今朝7點幾就醒了.....跟住再訓唔著喇.....moon出去我都會問佢去邊.....房間剩我一個好似好冇安全感.....以前不知幾想自己一人...

本來打算同佢去睇五星級大鼠.....但最後都告吹.......係屋企上網.....好耐冇on msn......但發覺....應該係feel到man生我氣.......上次唔知因為咩事傾了兩句我就走了不理........除了那次....我想不到他生我氣的理由........可能我真做錯了而唔知.......我當佢好朋友.....所以唔理我的確令我難受........

好多時間剩......我上網search某些course資料......現時的我好有衝勁讀書......可能我真係唔甘心就咁過........阿sir講得0岩.....不讀書會令我不思進取.......個個月等出糧.....其實由始至終.......我做的決定都是因為錢.....我真係好想賺錢養屋企....我覺得讀書會增加好多負擔.......另一樣我太不懂為將來打算.......只知見一步行一步.....人云亦云.....好冇用.....做咩都係咁。

 
發表時間：2007-08-12 03:08 PM  [ 訪客留言(0) ] [ 編輯日誌 ] [ 分享至FACEBOOK ]  


2007 年 8 月 11 日  星期六   晴天


過渡期 分類: 未分類

現在的我好情緒化....當一個人的時候就會陷入愁緒....那種孤獨感來的可怕....我說分手的那刻.....他給的反應令我好絕望.....我知一直最怕發生的事終於都實現了....我不能面對現實....好似發夢咁....本能反應就只有驚慌......竟然害怕得全身顫抖....我想我太激動了.....事實是我一直給自己編織了一個美夢.....我完全忽略了現實社會的愛情根本容納不了我簡單的想法.....我什麼都以為....以為我愛對方...對方也一定會愛我.....而且不會變....我以為只要真心付出...體諒..就可以感動他....而他亦會永遠珍惜我....我們的感情可以一直維持下去.....哈...聽起來真完美....不過別人會笑我係傻瓜.....冇錯! 我絕對係會為我愛的人而墜落...可惜他不會......坦白講雖然他帶給我不快樂比快樂多.......但我就只知真心愛他的.......好想好想好好對佢...........結果一句對不起就將你拒諸門外......終於感受到愛情easy come...easy go....要變成陌路人談何容易......人人都話熱戀有限期...只是短短3個月....之後感情會轉淡...好正常...但我好執著...我覺得自己係可以改變到.....但在短短5個多月....我承認剛開始時真的好甜蜜.....對於我第一次真正感受到拍拖的滋味.....那時其實也不明白點解他給我那麼多承諾....當時是他愛我多過我愛他.....逐漸地我投入了所有我的感情.....我將他放在心目中的第一位......見到他開心我就好開心....我好肯定那時是我愛他多過他愛我.....慢慢他亦對我愈來愈冷淡.....我難受到想死....身邊的人多數對我撥冷水.....說不可能一次到永遠....之後我變得多愁善感.....差不多每天暗地裏好唔開心.....哭是必然的....我覺得唔可以讓自己那麼抑鬱.....於是安慰自己....埋怨的女人不吸引....他只是忙而冇時間陪我....他只是累所以不想和我說話......他一定唔會唔要我的.........我一直咁諗.......而且我想與他多講心事.....我真係好渴望他喜歡聽我說話....在佢面前....我同一個細路仔無咩分別.....話我蠢反而有種被呵護的感覺.......我們冇吵過架.....我唔明白點解其他人拍拖都會吵架.......平和點不是好好嗎?? 雖然可免傷大家感情....不過原來唔代表人心唔會變......大家姐向我解釋這不是一朝一夕......是時間累積而令一個人的心改變........或者被係另一個世界所誘惑......我平凡不再是他想一起的人........或者係佢開始對我冷漠時就已經變了.........我還像個白痴在自我安慰.....................我實在接受不了一個人變心.....好多朋友都拍過幾次拖......對他們來講....失戀沒什麼大不了......寧願享受被人愛.....這些都是人生經驗吧?...他們確實比我成熟.....諗得好開..........我發覺大家分手的情況相似......對方總會在暴風雨前夕......給你製造疏離感......我不知他們是逃避還是想等你開口....然後會減低內疚感?? 我聽了很多說話.....不是所有我都能接收.......暫時我不可能諗得通......亦唔可以好似佢地睇得咁開.....心裏有好多問號...............而且帶有憤怒........變了就變了......沒話題根本是籍口......二人相處什麼都可成為話題......一開始認識我就知我是什麼人了........難道我這種悶蛋就只有新鮮感??我經歷的太少.........不知何時才會想得通呢......

照常返工.....在公司依然有笑容......但也難掩我的倦容.....今日放工突然呆站在地鐵站.....我已經唔可以再去佢屋企.....買蜂蜜蘆薈俾佢食了........但我好怕返屋企.....太寧靜令我恐懼擺脫不了那種感覺........

我一向忽略了我的朋友､家人.......我咁被動佢地都會主動關心我.....其實我失去一些但也得到一些.......我也慶幸不用等到幾年後才分開......那時會更加痛苦....五個多月...就結束我的初戀了。

 

 
發表時間：2007-08-12 01:38 AM  [ 訪客留言(0) ] [ 編輯日誌 ] [ 分享至FACEBOOK ]  


2007 年 8 月 5 日  星期日   晴天


2007-08-05 分類: 未分類

出去半日...蠻悶的...但還是要抒發下呀。

本來諗住去apm睇五星級大鼠....但4點3那場已full....要去到5點幾...於是去了新都城....以為會較冷清....但我們又錯了....

星期日無處不是人....過份地多.....好失敗呀...戲睇唔成....去了食pizza hut....我請客呀.....帶子芝脆批比我想像中好味道

.......不過彬彬好似食得唔多開心...

唉....佢細個時肥肥白白好得意....好鍾意纏住我同家姐玩....而大個仔之後就360度轉變囉.....同佢講咩都無麥反應.....反反叛叛咁....

不過都想佢開心既.....唔知有咩好去處....於是就帶佢去冒險樂園.....玩0左百幾蚊....oh...my mother...個心有d赤赤痛呀.....只係換了一本相簿.....我咁大個女都未試過係冒險樂園玩超過五十蚊耶~

見佢愈玩愈興奮...雖然佢自己有錢...但都要狠心拉佢走.....我好眼訓呀~"~ 又胃痛喇~

又悶悶地....但中間見到個細蚊仔玩碌波的姿勢...嘩笑到我肚痛丫......果刻停唔到...太痛快喇...

呼.............................................今晚應該可好好睡一覺。

 
發表時間：2007-08-05 08:14 PM  [ 訪客留言(0) ] [ 編輯日誌 ] [ 分享至FACEBOOK ]  


2007-08-05 滿足 分類: 未分類

有親戚來我家....熱鬧了....不過唔知做咩好...外面落雨....好清閒....聽聽歌.....最近好喜歡聽rain的sad tango....舞蹈好型啊..

再聽他的另一英文版....發覺唔睇佢歌詞仲以為唱緊韓文tim.....哈哈哈.....

平時返工就想訓教....但係屋企反而唔想.....比以前訓少好多喇.....琴晚好精神....同敏姐傾計至3點幾.....難得坦然傾心事.....

不錯的開始.....夜瀾人靜.....係我清醒的時候.....諗0左好多野.....對一些事有覺悟.....好事來的.....以前我腦袋簡單...四肢發達...咩都唔諗.......哈哈...宜家有人贊我多了女人味....靚0左...

印象中「發現一株幸運草」一書中講過我們閒暇的時候...頭腦通常會成為真空...你的腦袋空了...也就會有東西進去填空, 是什麼呢? 常常都是你的感覺...為何是它? 因為憂鬱､恐懼､憎恨､妒忌和羨慕等情感都被我們的思想操縱著....這些猛烈的情感會趕走我們思想中一切歡樂､平靜的情緒。

唔....我真係唔夠忙.....不然唔會有時間給我多愁善感....好煩惱為何自己會變得如此悲觀....一個不快樂的人生活係世上真係冇意義.....不過這諗法好自私...其實...我有人愛...我好應該為愛而生。

睇書好好.....某程度都可令思想得到解脫....不過有些人會付數千元上名人一些如何面對人生的心靈課程.....而真係可以改變一個經常夜蒲的人......都值的吧。

好笑...我竟然期待返工....因為星期一有約會...哈哈....真係好開心....好似第一次咁.......我有好多真心話想說。

宜家要出去先...

 

 

 
發表時間：2007-08-05 12:39 PM  [ 訪客留言(0) ] [ 編輯日誌 ] [ 分享至FACEBOOK ]  


2007 年 8 月 3 日  星期五   晴天


2007-08-03 分類: 未分類

一身黑皮膚 白手套紅短褲
一雙大大耳朵 隨時在 向人打招呼
他是我朋友 陪我笑 陪我哭
尤其是當我 當我最無助 有他 聽著我傾訴
夢中 城堡裡面跳舞
醒了 世界依然殘酷
以為我愛著孤獨 以為自己不會迷路
以為自己跟自己 再不用誰照顧
以為我愛著孤獨 卻又 崩潰的無助
誰能讓我擁抱著 盡情的哭

誰是草莓族 你才是榴槤族
一身傷人頑固 傷害我 還要我不哭
摩天輪停住 咖啡杯不跳舞
孩子練習著 讓悲傷麻木 快樂 也開始麻木
發表時間：2007-08-03 02:30 PM  [ 訪客留言(0) ] [ 編輯日誌 ] [ 分享至FACEBOOK ]  


« | 7 | 8 | 9 | 10 | 11 | 12 | 13 | 14 | 15 | 16 | ... | 19 | »