| «‹ July 2020 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2008 年 5 月 31 日 星期六  |
| ＊感恩的淚＊* |
直到琴晚流下淚的一刻才發覺原來自己好耐冇喊過~~~
早幾晚開始同番Vivian傾計，仍然係咁好傾，傾親都幾個鍾。而最令我開心嘅係幫到佢，亦感謝佢咁信任我。
自己過去幾年嘅經歷令我對朋友呢回事真的有點卻步，亦已忘記真正的朋友是何滋味...所以真係好多謝Ruby，如果唔係佢搵番我大家傾番電話，我都真係唔會再嘗到呢種冇雜質的友誼嘅滋味，就有如水一樣清、酒一樣純...一樣值得回味~~~
前晚同Vivian傾開計，原來大家都有一個好想搵番嘅舊朋友。但我比佢好運，我竟然可以喺舊電話簿入面搵番阿超屋企電話number~~~
到左琴晚我打左呢個號碼，一把久違了的聲音卻仍然有熟悉嘅感覺，一傾就係四個鍾~眼淚流下了...當中夾著感動、掛念、重逢的喜悅。
估唔到依家嘅我可以因為你地變得滿足、充實。多謝晒!!!果真友情無價呀!!!
|
| 刊登時間：2008-05-31 11:58 PM [ 編輯日誌 ] [ 分享至FACEBOOK ] |
|
|
飛飛人 於 2008-06-01 11:39 AM 發表：
呢幾晚我的確好開心丫...
話哂O個件事埋O係心足足成年, 而家終於發洩左出黎~ 爽呀!
同埋自從出黎做野之後, 好耐冇同朋友一傾就幾個鐘...好似傾極都唔完咁~
呢種感覺唔係同個個朋友都有ga~
有時覺得有冇男朋友唔係最重要...反而朋友先最重要!
當你遇到失意或者快樂個時, 身邊僅有一個朋友肯同你分享...起碼佢地清楚你為人呀嘛!
男朋友就唔同喇...可能有機會同佢分手, 分手後做唔做的成朋友都成問題
所以呢...珍惜身邊朋友啦~
|
網主回覆
講真我都好耐冇試過咁開心lu~~~
開心在重拾朋友的意義，開心在幫到你，開心在你仍然咁相信我~~~
其實呢幾晚除左你之外，Ruby同阿超都俾左好多感動我嘅說話同友情可貴嘅感覺我~~~真係好多謝你地!!!如果唔係你我根本唔會搵番阿超。Thanks!!!
你講得好岩...傾唔完果種感覺唔會存在於每個朋友之間，所以往後無論發生咩事我都會好珍惜你地3個~~~我已經無左一個對我好緊要嘅朋友，我唔可以再冇埋你地~~~再講丫...一生人中真係可以了解自己嘅朋友有幾多個丫，我就好好彩有你地3個~~~
至於男朋友嘛，再說吧...對我黎講好死嘅姐...況且有冇對我黎講唔太重要姐...反之你呀...真係唔該你帶眼識人喇~~~我唔介意幫下你眼嘅~~~哈哈^^"我梗唔想你有下次分手啦...係咪?!
Anyway我只可以講我一定會珍惜你地3個嘅~~~Thanks!!! Posted at 2008-06-02 12:53 AM [ 編輯 ] [ 刪除 ] |
|
