今晨零時，我訓得好地地老豆打黎同我講，佢貓左叫我5mins後落樓接佢，唔好傻啦~~老豆...你第一日識我咩..你個女我訓左o係張床度又點會願意咁做呢...雖然我已經訓左13個鍾。之後將呢個重任交左俾我媽子，之後我即係落床...嘰嘰~~開電腦...老豆返到上黎，今次真係冇吹水啵~~~貓到企都企唔穩喎~~~即係沖左杯檸檬水俾佢，幫佢除埋鞋同襪，佢就返左房sleep lu~~~

得意o既係...我貓左從來都唔會靠人，更加唔會好似老豆咁啦...到底係因為我好勝唔衰得丫..定我獨立呢..?!?!從小到大都已經係咁架喇喎...我唔同大佬，佢就鍾意痴家o既...但我由細到大都已經唔鍾意痴住屋企，係由幼稚園開始啵...其實諗番o係鳳凰o既日子，我真係都幾enjoy自己一個人架啵~~~唔知仲有冇機會呢...嘰嘰~~

點解今日個天灰黑色o既...?!?!?!前路...還有嗎?!?!

12:00p.m出門口，諗住過樂富搵阿佩食野。結果...我唔知喺邊跌左個銀包囉~~又一次喇...點解我想靠自己企番起身果陣個天偏偏要咁玩我呀...how come...what the hell going on...gay?!Shit!

之後Sugar打俾我同我傾左陣,佢話不如出黎飲野丫,佢話佢請喎....我都唔好意思,但最尾都係出左去,因為我真係好唔開心好想飲酒...出到去佢仲前後俾左成舊水我...唉∼呢Ｄ朋友喺邊揾丫~~雖然佢豪得起係因為另有玄機...嘰嘰~~跟住Joey放工出到黎9:00p.m倒啦,就一齊過左花園餐廳食飯喇~~食完之後勁眼訓,頂唔順...好唔好意思地走先>.<"一返到黎就訓...但一個鐘頭後都俾人嘈醒左lu~~起身沖涼=>改日記=>now...?!訓lu~~

琴日10:30a.m就起左身lu~~食左少少野,搞到點幾鐘就出左門口落樓飲茶,飲到兩點幾就出發撘11k向世界出發,三點零鐘到左世界,一切比我預期中平靜,婆婆好靚亦去得好安祥,到左6:00p.m回程。7:00p.m返到樓下食埋飯,七點零鐘,爸爸媽媽和哥哥便往機場出發了。對...哥哥10:00p.m晚機回墨爾本了。Bye Bye!!!

今早7:34a.m人肉鬧鐘(我老豆呀...嘰嘰!)鬧醒左我之後,食埋野搞掂晒9:00a.m準時同爸爸媽媽一齊向世界出發。o係巴士站仲咁岩撞到細舅父tim~~~未夠10:00a.m就到左世界，11:00a.m儀式進行,亦都係見婆婆最後一面o係時候。一切進行完畢，便搭車往「和合石」出發。1:00p.m婆婆所有喪事正式完滿結束。Bye Bye婆婆!!!WE LOVE YOU!!!之後大家去埋九龍城食飯就返屋企喇~~

返到黎睇左「史密夫決戰史密妻」之後就訓到成夜晚11:00p.m先起身喇~~~晚安!!!

前晚又飲貓左，但琴日11點幾a.m就俾阿媽拍門拍醒左囉~~因為阿哥3:00p.m機到香港啵~~沖完涼化埋妝飲埋茶，再搭成個幾鍾車先到...攰到想死呀!!!接左阿哥之後再搭番個幾鍾車番home，抖左陣都開飯咯~~食完飯同阿哥阿媽過左hollywood行街街，同睇「寶貝計劃」(但我前晚已經睇左一次架囉，哈哈!)。不過攰到睇睇下都訓著左lu~~返home即訓...ZzzZzZzzz......

一訓就係今日o既3:30p.m，起身間屋一個人都冇，唔理啦...沖涼先，沖完涼打俾媽子佢話返左黎先一齊出去食飯喎~~因為今晚我請客。不過都抵食，成家人四個都係食左$600有找。d野食都ok~~唔錯丫...之後阿哥同媽子去左行街，我本身諗住同老豆返home，點知等緊車果陣撞到Vivian囉~~之後就一齊去左食糖水喇~~仲行埋女人街，佢再陪我搭埋一號tim~~

今時今日o既我終於學會了「家庭樂」!!!

琴日一早諗住訓果陣，老豆冇啦啦叫我起身，同我講阿婆就黎唔得喇~~一家人一齊那那聲整野出門口搭的士過QE。可惜都見唔到婆婆最後一面，阿媽仲喊到死去活來tim~~佢地一個二個都有病架，又話好好照顧阿婆，點知唔夠兩個月就搞到阿婆死埋。正人渣黎架一個二個。眼裡面得個$字，講到尾咪又係為阿婆d$，既然都有樓揸手做乜仲要整死我阿婆喎~~雖然話係咁話，但阿婆都有咁上下年紀喇，都係時候o既...但有嚴重o既睇唔過眼姐~~不過我相信「人在做，天在看」~~縱使你地數盡我阿媽一切不是，又即管睇下個天又係唔係咁睇。正所謂「相由心生」，睇樣都知個天幫邊個啦~~我都未見過兩兄弟會咁齊心一齊叫自己老母叫口架~~可見所謂o既媳婦有幾大體。不過我今次真係喊得唔多，可能係因為已經有左心理準備啦，加上人又大左。比起公公過身時，喊少左好多好多。但教我最擔心o既係我媽媽o既情緒同身體，所以我更加唔想d冇謂人影響到佢。阿哥仲決定左下星期返黎送阿婆最後一程tim~~希望阿媽見到阿哥會好d啦~~唉...

我由廿四號8:30a.m訓到10:30p.m~~但仲好眼訓啵~~呵呵**

好開心呀!!!終於搵到人幫我整張相落電腦喇~~~不過...成舊炭咁囉~~但都冇法子啦...唯有退而求其次睇到就得啦~~~Yeah!

"日當夜，夜當日"日日都俾daddy mummy話緊o既一句說話，但我都唔想架嘛~~凡事總有苦衷的。

日記整靚左，但打o既時間唔多，加上電腦又到左壞到不能再壞o既地步。搞到都冇心機打lu~~今日有mood咪打兩句囉~~

休息o既時間都應該差唔多喇，係時候打算下啦~~26號就正式拎番張ID Card喇~~係咪時候正式做番d應該做o既o野呢...有d事就算過左去，完結左，責任都仍然o係度，就更加應該自己負番la~對嘛?!?!希望10月過後真係會過番正常o既日子啦...依家?!實在不屬於我的，很厭...很攰的...唔想再俾藉口自己，過去一年俾得太多藉口自己喇~~實在俾夠喇..俾冇可俾喇...醒啦..好嘛...?!?!幾時先肯做番自己呀...蕩失路都係時候返屋企喇~~~仲唔番...個人番左，個心未呀....仲求d咩姐...anybody help me..?!?!?!

實在太耐太耐冇打diary喇，都仲識打o既~~花左成兩個鍾將個版面改黎改去，都係為左整靚靚，由九月一號起開始過番以前o既生活，日日打日記，記低開心o既唔開心o既想記o既唔想記o既~~有機會睇番喊同笑咋~~~

 Past is the past過去一年發生咩事都好，都過晒去喇~~真係10個10000個o既"不願提"。放縱過..墮落過..後又係新o既自己，可能真係會有d唔知好定壞o既習慣形成左，但都冇法子，只有盡力去回復正常。唯一希望o既..只係我父母真係會睇到我呢一顆心、呢一點點努力，唔一定要支持，抱觀望態度便好了，謝了!!!

好耐冇打日記喇~~~呢段日子真係好特別。睇戲就睇得多，但從來冇諗過會發生o係自己身上。到試到o既時候，個感覺真係好特別~~~

原來當人處於絕境o既時候，反以會激發一股內力同耐性，有責任o係身就更什tim~團結就係一切。好似真係有第2個家咁o既感覺。但原來「包容」同「寬恕」，真係人生中好難好難o既一課~~大人o既世界真係一d都唔好玩，而最得意o既地方竟然係大家生活過得咁艱難都好，但唔知o係邊..憑咩..硬係有一股好強烈o既感覺，令我地更難捱都好，心中都總有一個希望令我地捱得過~~

呢幾個月真係學到好多o野，變左好多。由希望走到心淡絕望放棄再去番平常心，呢段心路歷程真係唔容易，但就算走過了。日後還有很多呢...

But anyway聽日都返工lu~即使唔係一份咩好工，但總算係一個開始，而我更相信「皇天不負有心人」，一定會好o既!!!加油!!!努力!!!