|
『首先...
本身感情方面已經令我唔係太開心
然後近來又接2連3咁有唔好既事
就好似今日咁
已經有兩件
首先係發左個唔好既夢
好影響我
第二就係
今日
返館既時候
我教練
同我地講我地既問題
咁佢講緊其他人
我地大家就好輕鬆咁笑緊
點知
就係呢個時候
我老豆突然好認真咁望住我
同我講
"笑!我最唔滿意果個係你
你唔好以為我講笑
我真係有諗過踢你出去
以後都唔比你返黎"
佢咁樣講之後...
我都唔知可以點做
所以只係扮冇野咁笑
但係我真係好唔開心
我明白
我父母都係咁勁人
我當然會被寄"與"厚望
但係我自問
我既套路已經操得好好
我亦有信心
我既套路唔會比其他人差
而搏擊方面
我亦都好努力咁想令自己進步
我只係上堂既時候有一點懶而已
(因為佢教既野我一早已經識,
亦都做得到)
但係我真係唔明...
做唔到同做唔好既野
我已經努力緊
進步唔到我都係到想緊辦法
希望可以進步
但係佢就係咁講...
我都冇辦法
然後
前一排考試
我冇咩努力咁溫過書
我都知道自己唔岩了
仍都明白我根本就冇後悔既資格
我今年F.3
下年又唔知升唔升到原校中4
唔得既話就要出去搵學校
校服亦都要再買過
我知道近來屋企經濟唔係太好
但係我又真係好唔中意e加呢間學校
我唔想增加父母既負擔
但係又好想離開呢到
真係好矛盾...
加上成績又未出
學校會收幾多班又未知
但係我最擔心既問題都唔係呢到
我一早都預左成績唔會好
亦都唔"車"望可以升返原校
呢d我亦都可以話冇後悔過
點講都好
有d野始終都係我自己搞成既
我都冇後悔既資格
呢個我講左
但係我最怕既係點面對我父母
我唔敢同父母講
但係有d野始終都係要做
我真係唔知點算好...
有好多野要我重新努力
亦都要我去面對
簡單d講
就係所有野都要我一次過去努力
去面對
我只係一個15歲女孩呀!
真係...唔知可以點做...
今次出左成績的話
老豆可能會嬲到打我(好耐之前老豆已經唔打我的了...)
或者會有更加嚴重既後果
雖然我係考試同派卷果d日子已經盡量咁避開會見面既時間
因為我怕佢
一返到屋企就問我成績d野
咩你考成點呀??
你d成績點呀??
咁
但係我知道逃避始終都係唔得既...
亦都差唔多逃到盡頭了...
到最後都只係要將所有野講晒出黎
但係...我真係唔知要點面對呀!!!
所以就係咁
近來真係好大壓力
無時無刻都係到諗應該點做好
然後又諗返起左好多以前做錯過既事
細件既事好
大件既事都好
有好多好多做錯過既事記番起
然後覺得自己出世以黎
做錯過好多野
好對唔住好多人
然後又不斷咁係到問自己
自己究竟係到做緊乜野
一切一切
都令我覺得自己好無力
我只係一個無力的女孩...』
|
