頭先同sin msn
佢同我講佢睇返自己以前ge blog
唸返好多野...
我都睇返自己以前ge blog
我都唸返好多好多野....
--------------------------------------------------------------------------------------------
我以前係個好衝動、好火爆、好唔怕死ge人
咩都做得出、咩都要大聲
食煙、飲酒、粗口、打交我全部都做齊
係大波出現之前,我ge生命入面只有朋友同家人
份人真係講義氣,為左朋友咩都做
但係
我發覺我唔變,我ge朋友就變左
佢地變到好可怕
我地明明係好fd
但係佢地一個唔該就唔理我
戈陣...簡直係我成個人生ge谷底
好彩...好朋友仲係有ge(我愛你們)
由戈陣時開始,我份人變到冇咁惡死、冇咁火爆...
(最後我d 朋友都彩返我la^^)
----------------------------------------------------------------------------------------------
對比返而家
我份人變得好怕事,做野好隨便
粗口少講,煙少食,唔打交...
成個人收歛左...
唔可以話完全因為大波我先變成咁
可能係人大左,識唸左好多
但係大部份原因都係因為大波
佢係我最反叛ge時候認識我
係我d朋友全部唔理我ge時候佢係我身邊(當然係仲有珍珍同呀kay)
功課唔識,佢教我
係我家庭要破碎ge時候,佢支持我
我ge生活同佢ge生活重疊埋一齊
我同佢一齊好開心,好快樂
我愛佢(我都愛其他人啦...只是沒那麼多和不說出口而已,是同樣的愛^^)
所以我同佢有一部份靈魂係一樣(我認為靈魂是由"生活"產生出來的)
大波對我黎講真係好重要
(點解會冇lala講左呢d野...==)
-------------------------------------------------------------------------------------------
係我知道自已考唔到入ift戈陣
我真係想死lo
覺得自己好冇用
咩都做唔到
不過好彩科大收左我^^
我同好多高中ge同學一班(唔知好喊定好笑)
學左好多野,識左好多人
生活冇咁忙,成個老人家咁
好少運動,肥左成十幾磅(大波係咁俾野我食^^)
haha...
------------------------------------------------------------------
自從大波做左栢蕙之後
我識左好多新朋友(可能佢地唔當我係朋友,不過我份人係咁自我架la,我當你地係你地就係^^)
我覺得自己好似由頭黎過咁
四大天王、呀寶薯榮蔡成嘉恩易拎....
雖然佢地全部都細過我
但係我覺得同佢地一齊好放心,好安穩...(酒肉朋友^^)
由其係某幾個人(唔知點解...)
雖然佢地有時好衰(成日恰我...sin你冇份唔洗驚)
但係唔知點解嬲佢地唔落(我係成熟穩重型架嘛,點會同佢地計較~hoho~)
我希望我地可以一路keep住
雖則我都知冇咩可能
因為你地始終會大,會有自己ge生活,唔會再留係栢蕙.......(天音:你是老婆婆呀...?)
但係我都希望係呢個日子黎之前,盡情咁同你地一齊玩...
---------------------------------------------------------------------------------
嗯...是的
人大左,唸野就係咁
我唔會成日回頭望
但係我會成日記住d開心ge回憶
所以
當某天某時
收到我一個無厘頭ge msg戈陣
唔好話我發神經得閒過頭無事搵事做
其實我只係掛住你地ja
我愛我現在身邊ge所有人同事
所以我會好好咁珍惜你地
期望你地都會愛我
你地知唔知呀?
|
